କାମାକ୍ଷାନଗର (ମ ନି ସ)୨୨/୦୪_ଆଜି ଢେଙ୍କାନାଳ ଜିଲ୍ଲା ଦିନିକିଆ ଗସ୍ତରେ ଆସିଥିଲେ କେନ୍ଦ୍ର ଆଦିବାସୀ ବ୍ୟାପାର ଓ ଜଳଶକ୍ତି ବିଭାଗ ମନ୍ତ୍ରୀ ବିଶେଶ୍ୱର ଟୁଡୁ |କଙ୍କଡାହାଡ଼ ବ୍ଲକ ସୋଲଗାଁ ଠାରେ ଥିବା ଏକଲବ୍ୟ ମଡେଲ ରେସିଡେଣ୍ଟାଲ ସ୍କୁଲର ଭୂମି ପୂଜନ ପାଇଁ ସରକାରୀ କାର୍ଯ୍ୟକ୍ରମ ରେ ଯୋଗ ଦେଇଥିଲେ | ରାଜ୍ୟର ପ୍ରତେକ ଜିଲ୍ଲା ରେ ଏକଲବ୍ୟ ମଡେଲ ରେସିଡେଣ୍ଟାଲ ସ୍କୁଲ ନିର୍ମାଣ ହେବାକୁ ଥିବା ବେଳେ, ଢେଙ୍କାନାଳ ରେ ମଧ୍ୟ ଆଜି ଏହାର ନିର୍ମାଣ ପାଇଁ ଭୂମି ପୂଜନ ହୋଇଛି |ତେବେ ଏହି 
ରେସିଡେଣ୍ଟାଲ ସ୍କୁଲ ରେ ଢେଙ୍କାନାଳ ସମେତ ଅନୁଗୁଳ ଓ କେନ୍ଦୁଝର ଜିଲ୍ଲାର କିଛି ଆଦିବାସୀ ଛାତ୍ରଛାତ୍ରୀ ରହିକି ଅଧ୍ୟୟନ କରିପାରିବେ ବୋଲି କହିଛନ୍ତି ପୂର୍ବତନ ରାଜ୍ୟସଭା ସାଂସଦ ରୁଦ୍ରନାରାୟଣ ପାଣି |ଦିନ ୧୧.୩୦ ମିନିଟରେ ବିରିବୋଲେଇ ହାଇସ୍କୁଲ ଛକ ଠାରେ କେନ୍ଦ୍ର ମନ୍ତ୍ରୀ ବିଶେଶ୍ୱର ଟୁଡୁଙ୍କୁ ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଭୁତି ପ୍ରଧାନ, ଓ ପୂର୍ବତନ ରାଜ୍ୟସଭା ସାଂସଦ ରୁଦ୍ରନାରାୟରଣ ପାଣି ଦଳୀୟ କାର୍ଯ୍ୟକର୍ତା ଙ୍କ ସହ ମିଶି ଉତ୍ତରୀୟ ଓ ପୁଷ୍ପ ଗୁଚ୍ଛ ଦେଇ ବିରାଟ ଶୋଭାଯାତ୍ରାରେ ସ୍ୱାଗତ କରିଥିଲେ |ସେହିଠାରୁ ଏକ ବାଇକ ଶୋଭାଯାତ୍ରାରେ ଯାଇ ଭୂମି ପୂଜନ କାର୍ଯ୍ୟକ୍ରମରେ ଯୋଗ ଦେଇଥିଲେ କେନ୍ଦ୍ର ମନ୍ତ୍ରୀ |ସେଠାରେ ପରଜଙ୍ଗ ବିଧ୍ୟାୟକ ନୃସିଂହ ଚରଣ ସାହୁ,ଢେଙ୍କାନାଳ ସାଂସଦ ମହେଶ ସାହୁଙ୍କ ସହ ଜିଲ୍ଲାପ୍ରଶାସନ ଉପସ୍ଥିତ ଥିଲେ |ତେବେ ଏହି ଏକଲବ୍ୟ ବିଦ୍ୟାଳୟ ଟି ୧୩ଏକର ପରିମିତ ଜମିରେ ନିର୍ମାଣ ହେବାକୁ ଥିବା ବେଳେ,୪୮୦ଆଦିବାସୀ ଛାତ୍ରଛାତ୍ରୀ ଙ୍କ ଅ ଧ୍ୟୟନ ପାଇଁ ବ୍ୟବସ୍ଥା ହେବ |ତେଣୁ ଛାତ୍ର ଛାତ୍ରୀଙ୍କ ପାଇଁ ୧୬ଟି ଶ୍ରେଣୀ ଗୃହ ସହ ୩ଟି ଲାବୋ୍ରୋଟୋରି, ଗୋଟିଏ କମ୍ପୁଟର ଲ୍ୟାବ,ସହ ଲାଇବ୍ରେରୀ ଓ ଷ୍ଟାଫ ରୁମ ନିର୍ମାଣ ହେବ|ସେହିପରି ଛାତ୍ର ଛାତ୍ରୀଙ୍କ ରହିବା ପାଇଁ ସ୍ୱତନ୍ତ୍ର ହଷ୍ଟେଲ ଓ ଉର୍ନତ ଖେଳ ପଡିଆ ନିର୍ମାଣ ହେବ|ଏହି ନିର୍ମାଣ କାର୍ଯ୍ୟ ୨ ବର୍ଷ ମଧ୍ୟରେ ଶେଷ ହେବାକୁ ଥିବା ବେଳେ ଆଗାମୀ ୨୦୨୪-୨୫ଶିକ୍ଷା ବର୍ଷରୁ ଷଷ୍ଠ ରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଆଦିବାସୀ ମେଧାବୀ ଛାତ୍ର ଛାତ୍ରୀ ମାଗଣାରେ ଶିକ୍ଷା ଲାଭ କରିବେ ବୋଲି କହିଛନ୍ତି କେନ୍ଦ୍ର ଆଦିବାସୀ ବ୍ୟାପାର ଓ ଜଳଶକ୍ତି ମନ୍ତ୍ରୀ ବିଶେଶ୍ୱର ଟୁଡୁ |
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
