ପବିତ୍ର ଅକ୍ଷୟ ତୃତୀୟା

ତ୍ରିଲୋଚନ ପାଢୀ

(ଶିକ୍ଷକ)

ଓଡ଼ିଆ ସଂସ୍କୃତି 

ପ୍ରଥା ପରମ୍ପରା 

ଧର୍ମ ଭାବନା ମହାନ 

ବୈଶାଖ ମାସରେ 

ଅକ୍ଷୟ ତୃତୀୟା 

ହୁଏ ଵିଧିରେ ପାଳନ l 

ଅକ୍ଷୟ ତୃତୀୟା 

ପବିତ୍ର ତିଥିର

ଅମୃତ ମାହେନ୍ଦ୍ର ବେଳ 

କ୍ଷେତରେ ପହଞ୍ଚି 

ଚାଷୀ ଭାଇ କରେ 

ଅଖିମୁଠି ଅନୁକୂଳ l 

ବେତୁଲି ଗଉଣି 

ଗୋମୟରେ ଲିପି 

ସେଥିରେ ଚିତା ପକାଇ 

ଅଖିମୁଠି ଧାନ 

ଚାଷୀର ଘରଣୀ 

ଯତନରେ ରଖିଥାଇ l 

ଶୁଭବେଳେ ଚାଷୀ 

ନୂଆବସ୍ତ୍ର ପିନ୍ଧି 

ଅଖି ବେତୁଲି ମୁଣ୍ଡାଇ 

କ୍ଷେତରେ ପହଞ୍ଚି 

ଧୂପଦୀପ ଦେଇ 

ଅଖିମୁଠି ଚାଳିଥାଇ l 

ଅକ୍ଷୟ ତୃତୀୟା 

ପବିତ୍ର ତିଥିରେ 

ଶ୍ରୀଜଗନ୍ନାଥଙ୍କ 

ରଥଗଢ଼ା ଅନୁକୂଳ 

ପାଲିଙ୍କିରେ ବିଜେ 

ଶ୍ରୀମଧୁସୂଦନ 

ହୁଏ ଚନ୍ଦନର ଚାପଖେଳ ll 

ସମ୍ପାଦକ,ସମ୍ବାଦ ସାହିତ୍ୟ ଘର,ନାଉଗାଁ 

ସମ୍ପାଦକ,ତ୍ର୍ୟମ୍ବକଂ 

ସା/ପୋ:-ନନ୍ଦିଗ୍ରାମ 

ଭାୟା:-ନାଉଗାଁ ହାଟ 

ଜିଲ୍ଲା:-ଜଗତସିଂହପୁର