ପାପଡାହାଣ୍ଡି 26/4, ମନିସ – — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଜଟାବାଲ ପଞ୍ଚାୟତ ଜାମ୍ବୁଗୁଡା ଆର ଏମ ସି ଗୋଡାଉନ ପରିସରରେ ବୁଧବାର ବ୍ଲକ କଂଗ୍ରେସ ର ଏକ ସାଧାରଣ ସଭା ଅନୁଷ୍ଠିତ ହୋଇଯାଇଛି | ଏଥିରେ ମୁଖ୍ୟ ଅତିଥିଭାବେ ଡାବୁଗାଁର ପୂର୍ବତନ ବିଧାୟକ ଭୁଜବଳ ମାଝୀ, ସଂମ୍ମାନୀୟ ଅତିଥି ଭାବେ ପାପଡାହାଣ୍ଡି ଜନ 2 ର ଜିଲ୍ଲା ପରିଷଦ ସଭ୍ୟା ଡ଼. ଲିପିକା ମାଝୀ ଉପସ୍ଥିତ ଥିଲେ | ବ୍ଲକ ର 23ଗୋଟି ପଞ୍ଚାୟତ ର ପୁରୁଖା କଂଗ୍ରେସ ନେତା ଉପସ୍ଥିତ ଥିବା ସହ ଶତାଧିକ କଂଗ୍ରେସ କର୍ମୀ ଉପସ୍ଥିତ 
ଥିଲେ | ଆଗାମୀ 2024 ସାଧାରଣ ନିର୍ବାଚନ କୁ ଆଖି ଆଗରେ ରଖି ପାପଡାହାଣ୍ଡି ବ୍ଲକ ର ନୂତନ କର୍ମକର୍ତା ଚୟନ କରାଯାଇଛି | ଏଥିରେ ସର୍ବ ସମ୍ମତି କ୍ରମେ ଶ୍ରୀକାନ୍ତ ମିଶ୍ର ଙ୍କୁ ପାପଡାହାଣ୍ଡି ବ୍ଲକ କଂଗ୍ରେସ ସଭାପତି, ସମ୍ପାଦକ ଭାବେ ସେକ ଆକବର ହୁସେନ ଙ୍କୁ ଚୟନ କରାଯାଇଥିଲା | ଆଗାମୀ 2024 ସାଧାରଣ ନିର୍ବାଚନ କୁ ଆଖି ଆଗରେ ରଖି ଆମେ କଂଗ୍ରେସ କୁ ତୃଣ ମୂଳ ସ୍ତରରେ ପହଞ୍ଚାଇ ବିଜେଡି କୁ କଡା ଟକର ଦେବୁ ବୋଲି ଶ୍ରୀ ମିଶ୍ର ତାଙ୍କ ପ୍ରତିକ୍ରିୟା ରଖିଛନ୍ତି | ଏହାପରେ ଶ୍ରୀ ମିଶ୍ର ଦଳୀୟ କର୍ମୀଙ୍କ ସହ ପାପଡାହାଣ୍ଡି ସ୍ଥିତ ସହିଦ ମିନାର ପହଂଚି ସହିଦ ମାନଙ୍କୁ ପୁଷ୍ପ ମାଲ୍ୟ ଅର୍ପଣ କରିଥିଲେ | ଏହି ସଭାରେ ଇଶ୍ୱର ମିର୍ଗାନ, ପନକୁ ନାୟକ, ଶେଖ ୱାଜିର ହୁସେନ , ପ୍ରଭାକର ନାୟକ, କେ. ଝାଡ଼େଶ୍ୱର ରାଓ , ଏ. ଶ୍ରୀନିବାସ ରାଓ, ଶଶୀ ମୋହନ ଶର୍ମା , ଭାସ୍କର ବିଷୋୟୀ, ତୁଲାରାମ ନାୟକ, ଗଜେନ୍ଦ୍ର ବିଷୋୟୀ , ଟିକି ବିଷୋୟୀ , ଅବଦୁଲ ବାରି , ଧର୍ମେନ୍ଦ୍ର ବିଷୋୟୀ , ଅଭି ବାବୁ, ରବୀନ୍ଦ୍ର ପ୍ରଧାନ , ନରେନ୍ଦ୍ର ବିଷୋୟୀ ପ୍ରମୁଖ ଉପସ୍ଥିତ ଥିଲେ |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
