ରାଉରକେଲା/ଉପଯୁକ୍ତ ଶିକ୍ଷା ବ୍ୟବସ୍ଥା ମାଧ୍ୟମରେ ଯୁବଶକ୍ତିର ସତ ବିନିଯୋଗ ଦ୍ବାରା ରାଷ୍ଟ୍ରର ବିକାଶ ସମ୍ଭବ । ତେଣୁ ସମଗ୍ର ଭାରତ ବର୍ଷରେ ୧୫ ରୁ ୨୯ ବର୍ଷ ମଧ୍ୟରେ ଥିବା ଯୁବ ଗୋଷ୍ଠୀର ଶିକ୍ଷା, ରୋଜଗାର ଓ ସାମାଜିକ ସ୍ଥିତ ସମ୍ବନ୍ଧରେ ଏକ ସର୍ଭେ କାର୍ଯ୍ୟ ଚାଲିଛି । ସ୍ଥାନୀୟ ମ୍ଯୁନିସିପାଲ ମହାବିଦ୍ୟାଳୟର ଜାତୀୟ ସେବା ସଂସ୍ଥା ଦ୍ବାରା ପ୍ରୋଗ୍ରାମ ଅଫିସର ଡ଼ଃ ଦିବ୍ଯକାନ୍ତି ବିଲୁଙ୍ଗ ଓ ଆକାଶ ଦାସଙ୍କ ତତ୍ତ୍ୱାବଧାନରେ ଛାତ୍ରଛାତ୍ରୀମାନେ ଚଳିତ ମାସ ୧୬ ତାରିଖରୁ ସାତ ଦିନ ଧରି ସର୍ଭେ କାର୍ଯ୍ୟ କରିଥିଲେ । ଅଧ୍ୟକ୍ଷ ପରେଶ ଚନ୍ଦ୍ର ପ୍ରଧାନଙ୍କ ସଭାପତିତ୍ବରେ ଅନୁଷ୍ଠିତ ଉଦଯାପନ କାର୍ଯ୍ୟକ୍ରମରେ ଅବସରପ୍ରାପ୍ତ ଅଧ୍ୟକ୍ଷ ଅଜୟ ପାତ୍ର ମୁଖ୍ୟ ଅତିଥି ଭାବେ ଯୋଗଦାନ କରିଥିଲେ । ମୁଖ୍ୟବକ୍ତା ଭାବେ ଡ଼ଃ ସନାତନ ପ୍ରଧାନ ତଥା ସମ୍ମାନିତ ଅତିଥି ଭାବେ ଡ଼ଃ ପ୍ରକାଶ କୁମାର କର ଓ ମମତା ଚାନ୍ଦ ଯୋଗ ଦେଇଥିଲେ । ଶୃଙ୍ଖଳିତ ଜୀବନଚର୍ଯ୍ଯା, ସ୍ବାଧ୍ଯାୟ ଓ ନିସ୍ଵାର୍ଥ ସେବା ଭାବ ଦ୍ବାରା ବ୍ୟକ୍ତିତ୍ବ ବିକାଶ ହୁଏ ଏବଂ ଏହା ସୁସ୍ଥ ସମାଜ ଓ ଉନ୍ନତ ରାଷ୍ଟ୍ର ଗଠନରେ ସହାୟକ ହୁଏ ବୋଲି ମତବ୍ୟକ୍ତ କରିଥିଲେ । ଡ଼ଃ ବିଲୁଙ୍ଗଙ୍କ ଦ୍ବାରା ସଂଯୋଜିତ କାର୍ଯ୍ୟକ୍ରମରେ ଅଧ୍ଯାପିକା ଏମୀ କୁଜୁର ଓ ସଂଯୁକ୍ତା ବେହେରା ଛାତ୍ରଛାତ୍ରୀ ମାନଙ୍କୁ ମାନପତ୍ର ବିତରଣରେ ସହଯୋଗ କରଥିବା ବେଳେ ଆକାଶ ଦାସ ଧନ୍ୟବାଦ ଅର୍ପଣ କରିଥିଲେ । ବହୁ ସଂଖ୍ୟାରେ ଅଧ୍ଯାପକ ଅଧ୍ଯାପିକା, କର୍ମଚାରୀ ଓ ଛାତ୍ରଛାତ୍ରୀ ଯୋଗଦାନ କରିଥିଲେ ।
previous post