ମ.ରାମପୁର,୬/୫(ମସୀହା): କଳାହାଣ୍ଡି ଜିଲ୍ଳାର ଅନ୍ୟତମ ଅଗ୍ରଣୀ ସାହିତ୍ୟ ଅନୁଷ୍ଠାନ ଯୁଗଯାତ୍ରୀ ସାହିତ୍ୟ ସଂସଦର ପ୍ରାକ୍ ସୁବର୍ଣ୍ଣ ଜୟନ୍ତୀ ବର୍ଷ କ୍ରମରେ ସନ୍ଥ କବି ଭୀମ ଭୋଇଙ୍କ ଜୟନ୍ତୀ ମହା ସମାରୋହରେ ପାଳିତ ହେଇଯାଇଛି । ଏହି ଅବସରରେ ଅତିଥିମାନେ ଭୀମ ଭୋଇ ଏକାଧାରରେ ଜଣେ ସନ୍ଥ, କବି ଓ ସମାଜ ସଂସ୍କାରକ ଥିଲେ ବୋଲି ନିଜ ନିଜ ମତ ପୋଷଣ କରିବା 
ସହିତ ଭୀମଭୋଇଙ୍କ ସାହିତ୍ୟର ବିଭିନ୍ନ ଦିଗ ଉପରେ ଆଲୋକପାତ କରିବାକୁ ଯାଇ; ପ୍ରାଣୀଙ୍କ ଆରତ ଦୁଃଖ ଅପ୍ରମିତ ଦେଖୁ ଦେଖୁ କେବା ସହୁ, ମୋ ଜୀବନ ପଛେ ନର୍କେ ପଡ଼ିଥାଉ, ଜଗତ ଉଦ୍ଧାର ହେଉ” ଏହି କାଳଜୟୀ ପଦଟି ତାଙ୍କୁ ବିଶ୍ୱରେ ପରିଚୟ ଆଣି ଦେଇ ଥିଲା ବୋଲି ମତ ବ୍ୟକ୍ତ କରିଥିଲେ l 
ସଂସଦର ସଭାପତି ପଦ୍ମ ଲୋଚନ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବରେ ପୂର୍ବତନ ବିଧାୟକ ଧନେଶ୍ୱର ମାଝୀ,ମୁଖ୍ୟ ବକ୍ତା ପ୍ରାଧ୍ୟାପକ ଶୈଳେନ୍ଦ୍ର ପ୍ରସାଦ ଆଚାର୍ଯ୍ୟ, ସମ୍ମାନିତ ବକ୍ତା ଡକ୍ଟର କୌତୁକ ପନ୍ଦର, ସମ୍ମାନିତ ଅତିଥି ବ୍ଲକ ଅଧ୍ୟକ୍ଷା ମନ୍ଦାକିନୀ ସିଂହଦେଓ ଓ ଯୁବ ଶିଳ୍ପପତି ବିଭୂ ପ୍ରସାଦ ସାହୁ ଯୋଗଦେଇଥି୍ଲେ । ଅନୁଷ୍ଠାନର ସଂପାଦକ ହେମନ୍ତ ସାହୁ ମଂଚ ପରିଚାଳନା କରିଥିଲେ । ପ୍ରାରମ୍ଭରେ ଭୀମଭୋଇଙ୍କ 
ପ୍ରତିକୃତିରେ ପୂଜାର୍ଚ୍ଚନା ପରେ ସରସ୍ୱତୀ ଶିଶୁ ବିଦ୍ୟାମନ୍ଦିର ଛାତ୍ରଛାତ୍ରୀମାନେ ପ୍ରାରମ୍ଭିକ ସଂଗୀତ ପରିବେଷଣ କରିଥିଲେ । ପ୍ରଶାନ୍ତ ଦାଶ,ଝରଣା ପ୍ରଧାନୀ ଏବଂ ଦୀପ୍ତି ରାଣୀ ବାରିକ୍ ଙ୍କ ସଂଯୋଜନାରେ ଜିଲ୍ଲା ତଥା ଜିଲ୍ଲା ବାହାରୁ ଆସିଥିବା ପ୍ରାୟ ପଚାଶ ଜଣ କବି ସ୍ୱରଚିତ କବିତା ଆବୃତ୍ତି କରିଥିଲେ । ବିଭିନ୍ନ ବିଦ୍ୟାଳୟ ସ୍ତରୀୟ ପଂଚମ ଓ ଷଷ୍ଠ ଶ୍ରେଣୀ ନିମନ୍ତେ କବିତା ଆବୃତି ପ୍ରତିଯୋଗୀତାରେ ଅଂଶିକା ତ୍ରିପାଠୀ,ଅର୍ଚ୍ଚିତା ସାହୁ,ସିଦ୍ଧିସାଇ ବାରିକ, ସପ୍ତମ ଓ ଅଷ୍ଟମ ଶ୍ରେଣୀ ର କଣ୍ଠ ସଙ୍ଗୀତ ପ୍ରତିଯୋଗିତାରେ ସିଦ୍ଧାନ୍ତ ଆଚାରୀ,ଜ୍ୟୋର୍ତିମୟୀ ପାଣିଗ୍ରାହୀ,ପ୍ରତ୍ୟାଶା ପ୍ରିୟଦର୍ଶିନୀ ହୋତା ଏବଂ ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀ ମଧ୍ୟରେ ଅନୁଷ୍ଠିତ ବକ୍ତୃତା ପ୍ରତିଯୋଗିତାରେ ସୋନମ ଭୋଇ,ଏନ୍ ସ୍ନେହାଶ୍ରିତା ନାଗ,ଶ୍ୱେତପଦ୍ମା ସାହୁ ଯଥାକ୍ରମେ ପ୍ରଥମ,ଦ୍ୱିତୀୟ ଓ ତୃତୀୟ ସ୍ଥାନ ହାସଲ ପୂର୍ବକ ଅତିଥିମାନଙ୍କ ଦ୍ୱାରା ପୁରସ୍କୃତ ହେଇଥିଲେ । ସଂସଦର ସହସଂପାଦକ ପରମାନନ୍ଦ ବିଶି ଧନ୍ୟବାଦାର୍ପଣ କରିଥିଲେ । ସମସ୍ତ କାର୍ଯ୍ୟକ୍ରମ ପରିଚାଳନାରେ ବରିଷ୍ଠ ସଦସ୍ୟ ପବନ କୁମାର ମହାଲିକ ,ମାନସ ରଂଜନ ପ୍ରହରାଜ,ରାକେଶ କୁମାର ଶତପଥୀ,ରିତେଶ କୁମାର ଶତପଥୀ,ଉଦୟ ନାୟକ,ଦିବାକର ସାହୁ ପ୍ରମୁଖ ସହଯୋଗ କରିଥିଲେ ।
ମ.ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ
