ଜୟପାଟଣା:୧୭/୦୫ କଳାହାଣ୍ଡି ଜିଲ୍ଲା ଜୟପାଟଣା ବ୍ଲକ ଅନ୍ତର୍ଗତ ପାଇକ କେନ୍ଦୁ ମୁଣ୍ଡି ଗ୍ରାମପଞ୍ଚାୟତ କରଞ୍ଜିଗୁଡ଼ା ଜଙ୍ଗଲ ପାଖରେ ଅଜଣା ବ୍ୟକ୍ତିର ମୃତ ଦେହ ମିଳିଥିବା ସୂଚନା ମିଳିଛି । କରଞ୍ଜିଗୁଡା ରୁ ପତିଗୁଡ଼ା ଯିବା ରାସ୍ତାକଡରେ ମୃତ ଦେହ ଦେଖି ସ୍ଥାନୀୟ ଗ୍ରାମ ବାସି ତୁରନ୍ତ ସ୍ଥାନୀୟ ମୁଖିଗୁଡ଼ା ଫାଣ୍ଡି ଅଧିକାରୀଙ୍କୁ ଖବର ଦେଇଥିଲେ । ଫାଣ୍ଡି ଅଧିକାରୀ ଏବଂ ଜୟପାଟଣା ଥାନା ଅଧିକାରୀଙ୍କ ମିଳିତ ଉଦ୍ୟମରେ ଶବଟିକୁ ତୁରନ୍ତ ସ୍ଥାନୀୟ ଲୋକଙ୍କ ସହଯୋଗରେ ଭବାନୀପାଟଣା ମୁଖ୍ୟ ଚିକିତ୍ସାଲୟ କୁ ପଠାଇ ଦିଆଯାଇଛି । ଶବର ବୟସ ପାଖାପାଖି ୬୦ରୁ ଉର୍ଦ୍ଧ୍ବ ହେବବୋଲି ଅନୁମାନ କରାଯାଉଛି । ଏଯାଏ ବ୍ୟକ୍ତି ର ପରିଚୟ ମିଳିପାରିନାହିଁ ଏବଂ ଏହା ଏକ ଅଂଶୁଘାତ ଜନିତ ମୃତ୍ୟୁ ହୋଇଥାଇ ପାରେ ବୋଲି ଆଶଙ୍କା କରା ଯାଉଛି ।
next post