ଚଳିତ ବର୍ଷ ଓଡ଼ିଶା ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ଦଶମ ଶ୍ରେଣୀ ପରୀକ୍ଷାର ଫଳାଫଳ ଆଜି ଘୋଷିତ ହୋଇ ଯାଇଛି। ଜିଲ୍ଲାର ପ୍ରମୁଖ ପୁରାତନ ହାଇସ୍କୁଲ ମାନଙ୍କ ମଧ୍ୟରେ ଅନ୍ୟତମ ଚାରବାହାଲ କୃପାସିନ୍ଧୁ ହାଇସ୍କୁଲରୂ ୨୦୨୨ -୨୩ ଶିକ୍ଷାବର୍ଷରେ ୧୩୧ ଜଣ ଛାତ୍ରଛାତ୍ରୀ ଦଶମ ପରୀକ୍ଷା ଦେଇଥିଲେ । ଏଥିରୁ ୧୨୮ ଜଣ ଛାତ୍ରଛାତ୍ରୀ ପରୀକ୍ଷାରେ କୃତକାର୍ଯ୍ୟ ହୋଇଥିବା ପ୍ରଧାନ ଶିକ୍ଷକ ଶ୍ରୀ ଦେବରାଜ ଗହୀର ପ୍ରକାଶ କରିଛନ୍ତି। ପାସ୍ ଛାତ୍ରଛାତ୍ରୀଙ୍କ ମଧ୍ୟରେ A2 – 01,B1 -15, B2 -45, C -52, D -11 ଓ E – 04 ଜଣ ସଫଳତା ହାସଲ କରିଥିବା ବେଳେ 3 ଜଣ ଫେଲ୍ ହୋଇଥିବା କହିଛନ୍ତି। ହାଇସ୍କୁଲର ପାସହାର 97.7% ପ୍ରତିଶତ ହୋଇଥିବା ସେ ପ୍ରକାଶ କରିଛନ୍ତି।
ଅଞ୍ଚଳର ପୁରାତନ ହାଇସ୍କୁଲ ଭାବେ ଖ୍ୟାତି ଅର୍ଜନ କରିଥିବା ସତ୍ଵେ ଏହି ବିଦ୍ୟାଳୟକୁ ବହୁ ବିଳମ୍ବରେ ଗତ 8 ତାରିଖ ଦିନ ରାଜ୍ୟସରକାର 5T ସ୍କୁଲରେ ସାମିଲ କରିଛନ୍ତିି। ଆଗାମୀ ଦିନରେ ବିଦ୍ୟାଳୟରେ ଶିକ୍ଷା ବ୍ୟବସ୍ଥା ଆହୁରି ସୁଦୃଢ଼ କିପରି କରାଯିବ ସେଥିପାଇଁ ବିଦ୍ୟାଳୟର ପୁରାତନ ଛାତ୍ର ତଥା ସମାଜସେବୀ ରଜନୀକାନ୍ତ ସମର୍ଲିଆ ପ୍ରଧାନ ଶିକ୍ଷକଙ୍କ ସହିତ ଆଲୋଚନା କରିଥିଲେ।