ଢେ଼ଙ୍କାନାଳ(ମ ସୀ ହା)୨୩/୦୫_ ଗତକାଲି ଅପରାହ୍ନ ରେ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସର ଓସ୍ଵାନ ହଲଠାରେ ଜିଲ୍ଲାପାଳ ସରୋଜ କୁମାର ସେଠୀଙ୍କ ଅଧକ୍ଷତାରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି l ଜିଲ୍ଲାରେ ଥିବା ସମସ୍ତ ଆଇ ଟି ଆଇ, ପଲିଟେକ୍ନିକ ଗୁଡ଼ିକରେ ଯେପରି ୫୦% (ଅନନ୍ୟ ୫୦୦ ଜଣ) ଛାତ୍ର ଛାତ୍ରୀ ନାମ ଲେଖାଇ ମାଗଣାରେ ପାଠ ପଢି ପାରିବେ ସେଥିପାଇଁ ସମସ୍ତ ଉପଜିଲ୍ଲାପାଳ, ଶିକ୍ଷା ଅଧିକାରି ବିଡିଓ, ପ୍ରଧାନ ଶିକ୍ଷକ ଓ ସଂପୃକ୍ତ ଅଧିକାରୀମାନେ ବିଶେଷ ଭାବରେ ଧ୍ୟାନ ଦେବାକୁ ଜିଲ୍ଲାପାଳ କହିଛନ୍ତି l ଏଥି ନିମନ୍ତେ ପ୍ରଚାର ପତ୍ର, ବ୍ୟାନର ଡାକବାଜି ଯନ୍ତ୍ର ଆଦି ଦ୍ବାରା ପ୍ରଚାର କରାଇ ମାଟ୍ରିକ ପରୀକ୍ଷା ରେ
କୃତିତ୍ବ ଅର୍ଜନ କରିଥିବା ଛାତ୍ରଛାତ୍ରୀ, ଅବିଭାବକମାନଙ୍କୁ ଉତ୍ସାହିତ କରିବାକୁ ପରାମର୍ଶ ଦେଇଛନ୍ତି l ଜିଲ୍ଲାରେ ସମସ୍ତ ଚିକିତ୍ସା କେନ୍ଦ୍ରକୁ ପରିଦର୍ଶନରେ ଯାଇ ଆବଶ୍ୟକସ୍ଥଳେ ପ୍ରସ୍ତାବ ଦେବାକୁ କହିଛନ୍ତି l ଗ୍ରୀଷ୍ମ ପ୍ରବାହକୁ ଆଖିରେ ରଖି ସତର୍କତା ଅବଲମ୍ବନ କରିବାକୁ ଜିଲ୍ଲାପାଳ ପରାମର୍ଶ ଦେଇଛନ୍ତି l
ବୈଠକରେ ପଞ୍ଚାୟତ ଓ ବ୍ଲକରେ ମୋ ବସଷ୍ଟାଣ୍ଡ ନିର୍ମାଣ, ବସ୍ ରୁଟ୍ ଚାର୍ଟ ପ୍ରସ୍ତୁତି, ପୁରୁଣା ସରକାରୀ କୋଠାଘର ମରାମତି, ସ୍ୱାସ୍ଥ୍ୟକେନ୍ଦ୍ର ନିର୍ମାଣ, ବିଦ୍ୟାଳୟ ଗୁଡିକର ଆବଶ୍ୟକୀୟ ମରାମତି କାର୍ଯ୍ୟ, ଅଙ୍ଗନବାଡ଼ି କେନ୍ଦ୍ରରେ ପାନୀୟଜଳ, ବିଦ୍ୟୁତ୍ ସରବରାହ ବ୍ୟବସ୍ଥା, ପିଲା ମାନଙ୍କର ବସିବା ପାଇଁ ଚୌକି ଓ ଡେସ୍କ ବ୍ୟବସ୍ଥା, ଶିକ୍ଷକ lମାନଂକର ଇଚ୍ ୱାନ ଟିଚ୍ ୱାନ କାର୍ଯ୍ୟକ୍ରମ, ଅସହାୟ ଭିତ୍ତିରେ ଅସହାୟ ବୃଦ୍ଧ ବୃଦ୍ଧା ମାନଙ୍କୁ ଭତ୍ତା ପ୍ରଦାନ ଓ ଅନ୍ୟାନ୍ୟ ସରକାରୀ ସୁବିଧା ସୁଯୋଗର ବ୍ୟବସ୍ଥା, ବିଦ୍ୟାଳୟର ରୂପାନ୍ତରି କରଣ କାର୍ଯ୍ଯ,ମନରେଗା ଯୋଜନାରେ ଅଧିକ ଶ୍ରମିକ ନିଯୁକ୍ତି, ଏସ ଇ ବି ସି ସର୍ଭେରେ ଅଗ୍ରଗତି, ଜିଲ୍ଲାର ପ୍ରମୁଖ ସ୍ଥାନ ମାନଂକରେ ବୃକ୍ଷ ରୋପଣ ଆଦି ସଂପର୍କ lରେ ବିଶଦ ଭାବେ ଆଲୋଚନା କରାଯାଇ ଥିଲା l
ଏହି ଭି ସି ବୈଠକରେ ଅତିରିକ୍ତ ଜିଲ୍ଲାପାଳ ରମେଶ ଚନ୍ଦ୍ର ସେଠୀ (ସାଧାରଣ), ଅତିରିକ୍ତ ଜିଲ୍ଲାପାଳ ଉଦୟ କୁମାର ମହାପାତ୍ର(ରାଜସ୍ବ), ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଅଶୋକ ଦାଶଙ୍କ ସମେତ ସଂପୃକ୍ତ ସମସ୍ତ ବିଭାଗୀୟ ଅଧିକାରୀମାନେ ଉପସ୍ଥିତ ଥିଲେ l