ପାପଡାହାଣ୍ଡି,29/05, ମନିସ -ନବରଙ୍ଗପୁର ଜିଲ୍ଲା ସଦର ମହକୁମା ଆରଟିଓ କାର୍ଯାଳୟ ନିକଟରେ ରବିବାର ଏକ ବାଇକ ଓ ଆମ୍ବୁଲାନ୍ସ ମୁହାଁମୁହିଁ ଧକ୍କାରେ ଜଣେ ବାଇକ ଚାଲାକଙ୍କ ମୃତ୍ୟୁ ହୋଇଥିଲା | ମୃତକଙ୍କ କୁ ନେଇ ପରିବାର ଲୋକ କ୍ଷତିପୂରଣ ଦାବିରେ ସୋମବାର ଚିକିଲି ଛକ ନିକଟରେ ରାସ୍ତା ରୋକ କରିଥିଲେ | ଫଳରେ 2 ଘଣ୍ଟାରୁ ଉର୍ଦ୍ଧ ସମୟ ଧରି ରାସ୍ତା ରୋକ ହୋଇଥିଲା | ଘଟଣା ସ୍ଥଳରେ ନବରଙ୍ଗପୁର ତହସିଲଦାର ପହଞ୍ଚି ଆର୍ଥିକ ସହାୟତା ଯୋଗେଇଦେବା ପରେ ରାସ୍ତାରୋକ ହଟିଥିଲା |
ସୂଚନା ଅନୁଯାୟୀ ପାପଡାହାଣ୍ଡି ଥାନା ଅନ୍ତର୍ଗତ ଚିକିଲି ଗ୍ରାମର ରାମ ହରିଜନ ନବରଙ୍ଗପୁର ସହରରେ ରସେଇ ଗ୍ୟାସ ଘର ଘର ପହଁଚାଇବା କାମ କରନ୍ତି | ରବିବାର ଦିନ ଏହି କାମ ସାରି ନିଜ ଘର ଚିକିଲି ଫେରୁଥିଲେ ଏହି ସମୟରେ ପାପଡାହାଣ୍ଡି ରୁ ନବରଙ୍ଗପୁର ଯାଉଥିବା ଆମ୍ବୁଲାନ୍ସ ସହ ଆରଟିଓ କାର୍ଯ୍ୟାଳୟ ନିକଟରେ ମୁହାଁମୁହିଁ ଧକ୍କା ହୋଇଥିଲା | ଏଥିରେ ବାଇକ ଚାଳକ ଗୁରୁତର ଅବସ୍ଥାରେ କୋରାପୁଟ ଜିଲ୍ଲା ମେଡିକାଲ ରେ ଭର୍ତ୍ତି 
ହୋଇଥିଲ | ଚିକିତ୍ସାଧୀନ ଅବସ୍ଥା ରାମଙ୍କ ରାତ୍ର 8 ଘଣ୍ଟା ସମୟରେ ମୃତ୍ୟୁ ଘଟିଥିଲା | ସୋମବାର ଦିନ 2ଟା ସମୟରେ ଶବ ଚିକିଲି ପହଂଚିବା ପରେ ଗ୍ରାମବାସୀ କ୍ଷତିପୂରଣ ଦାବିରେ ରାସ୍ତା ରୋକ କରିଥିଲେ | ଖବର ପାଇ ନବରଙ୍ଗପୁର ତହସିଲଦାର ଜୟଦୃତ ଆଚାର୍ଯ୍ୟ ପାପଡାହାଣ୍ଡି ଏସଡ଼ିପିଓ ଆଦିତ୍ୟ ସେନ, ପାପଡାହାଣ୍ଡି ଥାନା ଅଧିକାରୀ ଦୀପକ ଜେନା, ନବରଙ୍ଗପୁର ଥାନା ଅଧିକାରୀ ନରେଶ କୁମାର ପ୍ରଧାନ ଘଟଣାସ୍ଥଳ ପହଁଚି ପରିବାର ବୁଝେଇଥିଲେ ଓ କ୍ଷତିପୂରଣ ବାବଦ ରେ ରେଡ଼କ୍ରସ ପାଣ୍ଠି ରୁ 30 ହଜାର ଟଙ୍କା ଦେଇଥିଲେ | ଏହାପରେ ରାମ ଙ୍କ ଝିଅ ଙ୍କ ପାଠ ପଢା ବ୍ୟବସ୍ତା କରାଯିବ ବୋଲି କହିଥିଲେ | ଏହାପରେ ସନ୍ଧ୍ୟା 4 ଘଣ୍ଟା ସମୟରେ ରାସ୍ତା ରୋକ ହଟିଥିଲା ଜାତୀୟ ରାଜପଥ ଅବରୋଧ ଯୋଗୁଁ ଅନେକ ଗାଡି ଦୁଇ ପକ୍ଷ ରେ ଅଟକି ରହିଥିଲା |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
