ରାୟଗଡ଼ା ତା: ୫.୬.୨୦୨୩ // ରାୟଗଡ଼ା ଜିଲ୍ଲାର ଶିକ୍ଷା ବିଭାଗ ସ୍ଥାଣୁ ପାଲଟିଛି । ହୋଇପାରୁନି ଶିକ୍ଷକ ପଦୋନ୍ନତି । ଏଣୁ, ଜିଲ୍ଲା ଶିକ୍ଷକ ସଙ୍ଘ ସୋମବାର ଦିନ ଜିଲ୍ଲା ଅଭିଯୋଗ ଶୁଣାଣିରେ ଅଭିଯୋଗ ଦାଖଲ କରିଛନ୍ତି । ପ୍ରାଥମିକ ଶିକ୍ଷା ନିର୍ଦ୍ଦେଶାଳୟ ଏପ୍ରିଲ ୨୦ ତାରିଖ ଠାରୁ ମେ ମାସ ୩୧ ମଧ୍ୟରେ ଶିକ୍ଷକ ତାଲିକା 
ଅନୁମୋଦନ କରାଇ ପଦୋନ୍ନତି ଦେବା ନିମନ୍ତେ ନିର୍ଦ୍ଦେଶ ଅଛି । ରାୟଗଡ଼ା ଜିଲ୍ଲାରେ ପଦୋନ୍ନତି ହୋଇପାରୁନଥିବାରୁ ଶିକ୍ଷକ ସଂଘ ସମେତ ସମସ୍ତ ଆଶାୟୀ ଶିକ୍ଷକ ଦୁଃଖ ପ୍ରକାଶ କରିଛନ୍ତି । ଜିଲ୍ଲାପାଳଙ୍କ ଅନୁପସ୍ଥିତିରେ ଅତିରିକ୍ତ ଜିଲ୍ଲାପାଳ ଶ୍ରୀ ଧର୍ମାନନ୍ଦ ବେହେରା ଅଭିଯୋଗ ଗ୍ରହଣ କରିବା ପରେ ଜିଲ୍ଲା ଶିକ୍ଷାଧିକାରୀଙ୍କ 
ସହ ଆଲୋଚନା କରିଥିଲେ । ବାରମ୍ବାର ଗ୍ରେଡେସନ ତାଲିକା ଭୁଲ ହେବା ଓ ଇତି ମଧ୍ୟରେ ଅନେକ ଶିକ୍ଷକ ବିନା ପଦୋନ୍ନତିରେ ଅବସର ନେଇଥିବାରୁ ଏଥିପାଇଁ ଜିଲ୍ଲା ଶିକ୍ଷାଧିକାରୀ କାର୍ଯ୍ୟାଳୟକୁ ଦାୟୀ କରାଯାଇଅଛି। ଅପରପକ୍ଷେ, ସରକାରଙ୍କ ପରିବର୍ତ୍ତିତ ଗାଇଡଲାଇନ ଯୋଗୁଁ ଗ୍ରେଡେସନ ତାଲିକାରେ ତ୍ରୁଟି ପରିଲକ୍ଷିତ ହେବା ଓ ଏପରି ବିଳମ୍ବ ହେବା ଜିଲ୍ଲା ଶିକ୍ଷାଧିକାରୀ ଶ୍ରୀ ପୂର୍ଣ୍ଣ ଚନ୍ଦ୍ର ବରିହା ପ୍ରକାଶ କରିଛନ୍ତି । ଆଗାମୀ ସାତ ଦିନ ମଧ୍ୟରେ ପଦୋନ୍ନତି ପ୍ରକ୍ରିୟା ଶେଷ ହେବା ନେଇ ଶ୍ରୀ ବରିହା ସ୍ଵିକାରୋକ୍ତି ପ୍ରଦାନ କରିଛନ୍ତି ।
ରାୟଗଡା ରୁ ଗୌରୀ ପଟ୍ଟନାୟକ ଙ୍କ ରିପୋର୍ଟ୍
