ଢେଙ୍କାନାଳ କପିଳାଶ ବନାଞ୍ଚଳରୁ ଅସୁସ୍ଥ ଅବସ୍ଥାରେ ଠାବ ହୋଇଛି ଏକ ହାତୀ ଛୁଆ । ମେଘା ସଂରକ୍ଷିତ ଜଙ୍ଗଲର ଗତ ଦୁଇ ଦିନ ହେଲା ଅସୁସ୍ଥ ଅବସ୍ଥାରେ ବୁଲୁଥିଲା ଏହି ହାତୀ ଛୁଆ । ଖବର ପାଇ ଶନିବାର ବନ ବିଭାଗ ପକ୍ଷରୁ ସାତକୋଶିଆରୁ ସ୍ୱତନ୍ତ୍ର ଟ୍ରଙ୍କୁଲାଇଜ ଟିମ ଡକାଇ ଥିଲେ । ପୁକିସ ବାଟାଲିୟନ ନିକଟରୁ ଏହି ହାତୀ ଛୁଆକୁ ଟ୍ରଙ୍କୁଲାଇଜ କରାଯାଇଛି । ହାତୀ ଛୁଆକୁ ଉଦ୍ଧାର କରି ସ୍ୱତନ୍ତ୍ର ଗାଡି ଯୋଗେ କପିଳାଶ ହାତୀ ଉଦ୍ଧାର କେନ୍ଦ୍ରକୁ ନିଆଯାଇଛି ।
ଅସୁସ୍ଥ ହାତୀ ଛୁଆଟି ଏକ ମାଈ ହାତୀ ବୋଲି ଜଣାପଡିଛି । ତାର ବୟସ ଆନୁମାନିକ ଦେଢ଼ ବର୍ଷ ହେବ ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି । ତେବେ ଏହି ହାତୀ ଛୁଆର ଅସୁସ୍ଥର ସଠିକ୍ କାରଣ କ’ଣ ତାହା ଜଣାପଡିନାହିଁ । କପିଳାଶ ହାତୀ ଉଦ୍ଧାର କେନ୍ଦ୍ରରେ ସ୍ୱତନ୍ତ୍ର ଡାକ୍ତରୀ ଦଳ ମାଧ୍ୟମରେ ଏହି ହାତୀ ଚିକିତ୍ସା କରାଯିବ ବୋଲି ବନ ବିଭାଗ ପକ୍ଷରୁ ଏସିଏଫ ପ୍ରକାଶ କରିଛନ୍ତି ।
ଢେଙ୍କାନାଳ ଗଁଦିଆ ରୁ ତାପସଦାସ ଙ୍କ ରିପୋର୍ଟ ମସିହା ନିଉଜ
