ବାଲେଶ୍ଵର,୧୭/୬/୨୩- ବାଲେଶ୍ଵର ଜିଲ୍ଲା ଖଇରା ବ୍ଲକ କୁପାରୀ ସ୍ଥିତ ଡ଼. ହରେକୃଷ୍ଣ ମହତାବ ଡିଗ୍ରୀ ମହାବିଦ୍ୟାଳୟର ଜାତୀୟ ସେବା ଯୋଜନାରେ ଗ୍ରୀଷ୍ମ କାଳୀନ ସ୍ବତନ୍ତ୍ର ସେବା ଶିବିର କୁପାରୀ ନିକଟ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ସଇଁ ପରିସରରେ 
ଗତ ତା ୦୮/୬/୨୩ ରିଖରେ ଆରମ୍ଭ ହୋଇ ତା ୧୪/୬/୨୩ ରିଖରେ ଶେଷ ହୋଇଯାଇଛି । ଅଧ୍ୟକ୍ଷ ଗଗନ ବିହାରୀ ରାଉତଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ପରିଚାଳିତ ଏହି ଶିବିରକୁ ପ୍ରୋଗ୍ରାମ ଅଫିସର ଭକ୍ତବନ୍ଧୁ ସାହୁ ପରିଚାଳନା କରିଥିଲେ । ଏହି ଶିବିରରେ ପ୍ରାଣୀ ଚିକିସ୍କକ ଉମାକାନ୍ତ ବହଳିଙ୍କ ପ୍ରଚେଷ୍ଟାରେ ଏବଂ ସ୍ବେଚ୍ଛାସେବୀ ମାନଙ୍କ ସହଯୋଗରେ ଫାଟୁଆ ଓ ବଜବଜିଆ ଟୀକା ଦିଆଯାଇଥିଲା । ନିଶା ନିବାରଣ, ପରିବେଶ ସୁରକ୍ଷା, ଏଡ୍ସ ସଚେତନତା, ସଡକ ସୁରକ୍ଷା, ସୂଚନା ଅଧିକାର ଆଇନ ଭଳି ବିଭିନ୍ନ ସଚେତନା ମୂଳକ କାର୍ଯ୍ୟକ୍ରମ କରାଯାଇଥିଲା । ଏହି 
ଶିବିରକୁ ଫକୀରମୋହନ ବିଶ୍ବବିଦ୍ୟାଳୟର ଜାତୀୟ ସେବା ଯୋଜନାର ବାଲେଶ୍ଵର ଜିଲ୍ଲା ସଂଯୋଜକ ଗୌରାଙ୍ଗ ପଣ୍ଡା, ଓଡିଶା ରକ୍ତଦାତା ସଙ୍ଗଠନର ସାଧାରଣ ସମ୍ପାଦକ ଗୋପାଳ ଚନ୍ଦ୍ର ସାହୁ ଏବଂ ବରିଷ୍ଠ ସହାୟକ ତାପସ କୁମାର ପାତ୍ର ପରିଦର୍ଶନ କରିଥିଲେ । ଏହି ଶିବିର ପରିଚାଳନାରେ ଅଧ୍ଯାପକ ଗଣେଶ ପ୍ରସାଦ ପଣ୍ଡା, ଦୀପକ କୁମାର ଦାସ, ତାପସ କୁମାର ଦାଶ, ଅଜୟ କୁମାର ବାରିକ, ଅଧ୍ଯାପିକା ମାଳତୀ ଲତା ହାତୀ ଓ ତପସ୍ବିନୀ ବିଶ୍ବାଳ ପ୍ରମୁଖ ସହଯୋଗ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
