ଭବାନୀପାଟଣା ସଦର ବ୍ଲକ ଅନ୍ତର୍ଗତ ସରସ୍ବତୀ ଶିଶୁ ବିଦ୍ୟାମନ୍ଦିର ବୋର୍ଡ଼ା ଠାରେ ପ୍ରଧାନ ଆଚାର୍ଯ୍ୟ ଇନ୍ଦୁଭୂଷଣ ସାହୁଙ୍କ ତତ୍ୱାବଧାନରେ ଆନ୍ତର୍ଜାତୀୟ ଯୋଗ ଦିବସ ପାଳନ କରାଯାଇଛି । ଯୋଗ, ପ୍ରାଣାୟାମ ଓ ଶାରୀରିକ ବ୍ୟାୟାମ କରିବା ଦ୍ୱାରା ଆମ ବ୍ୟକ୍ତିଗତ ଜୀବନ ସୁଖ, ଶାନ୍ତି, ସୁସ୍ଥ ସବଳ ଓ ନିରୋଗ ରହିବାରେ ଈଶ୍ୱର ଙ୍କ ବରଦାନ ହୋଇଥାଏ । ଯୋଗ,ଆସନ,ପ୍ରାଣାୟାମ ପ୍ରତିଦିନ ଅଭ୍ୟାସ କରିବା ଦ୍ୱାର ରୋଗପ୍ରତିରୋଧକ ଶକ୍ତି ବଢିବା 
ସହ ଅନେକ ଗୁଡିଏ ରୋଗ ରୁ ମୁକ୍ତି ମିଳିଥାଏ ବୋଲି ଗୁରୁଜୀ ମୋହନ ସାହୁ ଉପସ୍ଥିତ ଛାତ୍ରଛାତ୍ରୀଙ୍କୁ ବୁଝାଇ ଥିଲେ । ଯୋଗଗୁରୁ ଅବନୀ ସାହୁ ସମସ୍ତଙ୍କୁ ଯୋଗାଭ୍ୟାସ ସହ ଯୋଗର ଲାଭ ବିଷୟରେ କହିଥିଲେ । ଏଥିରେ ୧୫୦ ଜଣ ଛାତ୍ର ଛାତ୍ରୀ ଉପସ୍ଥିତ ଥିଲେ । ମାନସ ପଧାନ, ନିଭୃତ ପଧାନ, ଗୀତାଞ୍ଜଳି ଥନାପତି, ଅନିତା ଲେଙ୍କା, ସମିତା ପଧାନ, ହେମନ୍ତ ବଗର୍ତ୍ତୀ,ଖୁସିରାମ ସାହୁ,ସୁଜାତା ଭୋଇ, ଅନିତା ଭୋଇ ଆଦି ଗୁରୁଜୀ ଗୁରୁମା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
ଖୁସି ରାମ ସାହୁ ଙ୍କ ରିପୋର୍ଟ୍
