ମୟୂରଭଞ୍ଜ -୩୦/୬ (ମସିହା)ଆଶାଢ ଶୁକ୍ଳ ପକ୍ଷ ଏକାଦଶୀ ତିଥିରେ ଜଗନ୍ନାଥ ମାର୍କେଟ ସ୍ଥିତ ବଡ଼ ଦାଣ୍ଡରେ ବିରାଜମାନ ରଥ ଉପରେ ଶ୍ରୀ ରଘୁନାଥ ଜୀଉଙ୍କ ସୁନାବେଶ ଅନୁଷ୍ଠିତ ହୋଇଯାଇଛି । ଜଗନ୍ନାଥ ମହାପ୍ରଭୁଙ୍କ ୫ ଟି ସୁନାବେଶ ମଧ୍ୟରେ ଏହା ଏକ ଅନନ୍ୟ ସୁନାବେଶ ଯାହାକୁ ବର୍ଷେ ପର୍ଯ୍ୟନ୍ତ ଶ୍ରଦ୍ଧାଳୁମାନେ ଦେଖିବାକୁ ଅପେକ୍ଷା କରିଥାନ୍ତି । ଗୁରୁବାର ଦିନ ସଂନ୍ଧ୍ୟାରେ ବାହୁଡା ଯାତ୍ରା ସଂପନ୍ନ ପରେ ଠାକୁରଙ୍କ ରୀତିନୀତି ଅନୁସାରେ ମୁଖ୍ୟ ପୂଜକ ଦେବବ୍ରତ ରଥ ମହାପାତ୍ର ପୂଜାର୍ଚ୍ଚନା ପରେ ଦେବୋତ୍ତର ବିଭାଗ ତରଫରୁ ଆସିଥିବା ସ୍ବର୍ଣ୍ଣ ଅଳଙ୍କାର ବିଗ୍ରହମାନଙ୍କୁ ଆଭୂଷିତ କରାଯାଇଥିଲା । ଦେଢ଼ ଘଣ୍ଟା ଧରି ବିଭିନ୍ନ ପ୍ରକାରର ସୁନା ଅଳଙ୍କାରରେ ସୁନାବେଶ ପ୍ରକ୍ରିୟା ହୋଇଥିଲା । ୮ ଟା ପରେ ପରେ ଭକ୍ତମାନଙ୍କ ପାଇଁ ସୁନାବେଶ ଦର୍ଶନ ଆରମ୍ଭ ହୋଇଥିଲା ।ହଜାର ହଜାର ଶ୍ରଦ୍ଧାଳୁ ରଥ ସମ୍ମୁଖରେ ଦୀପ ଲଗାଇ ସୁନାବେଶ ଦର୍ଶନ ସହ ପୂଜାର୍ଚ୍ଚନା କରି ଜଗନ୍ନାଥ ମହାପ୍ରଭୁଙ୍କ ଆଶୀର୍ବାଦ ନେଇଥିଲେ । ଭକ୍ତମାନେ ମହାପ୍ରଭୁଙ୍କ ସୁନାବେଶ ଦେଖି ନିଜକୁ ଧନ୍ୟ ମଣିଥିଲେ ।ରାତି ୧୨ ଟା ଯାଏ ସୁନାବେଶ ଦର୍ଶନ ବ୍ୟବସ୍ଥା ପ୍ରଶାସନ ତରଫରୁ କରାଯାଇଥିଲା । ପୋଲିସ ପ୍ରଶାସନ ପକ୍ଷରୁ ଶାନ୍ତି ଶୃଙ୍ଖଳାକୁ କଡାକଡି କରାଯାଇଥିଲା ।
ମୟୂରଭଞ୍ଜ ରୁ ଅକ୍ଷୟ ବିଶ୍ଵାଳ ଙ୍କ ରିପୋର୍ଟ
