ବାଲେଶ୍ଵର,୧୦/୭/୨୩- କିଛି ମୁଷ୍ଟିମେୟ ଲୋକଙ୍କ ଦ୍ୱାରା ଅବରୋଧ ହୋଇଥିବା ସରକାରୀ ରାସ୍ତାକୁ ହଟାଇଲା ବାଲିଆପାଳ ତହସିଲ ପ୍ରଶାଶନ । ସୁଚନା ଅନୁଯାୟୀ ବାଲେଶ୍ୱର ଜିଲା ବାଲିଆପାଳ ତହସିଲ ଅଧିନସ୍ଥ ଅଳାଡିହା ଗ୍ରାମର ଲକ୍ଷ୍ମୀଧର ବେହେରାଙ୍କ ବାପା ଓ ଜେଜେବାପା ଅମଳରୁ ବ୍ୟବହାର କରି ଆସୁଥିବା ଏକ ସରକାରୀ ରାସ୍ତାକୁ ସ୍ଥାନୀୟ କିଛି ମୁଷ୍ଟିମେୟ 
ଲୋକ ଜୋର ଜବରଦସ୍ତ ତାଙ୍କ ଜାଗା ବୋଲି ଦାବୀ କରି ଅବରୋଧ କରି ଥିଲେ, ଫଳରେ ଲକ୍ଷ୍ମୀଧରଙ୍କ ପରିବାର ଯିବା ଆସିବା ପାଇଁ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଥିଲେ । ରାସ୍ତାଟିଏ ପାଇଁ ଆର. ଆଇ, ତହସିଲ ଠାରୁ ଜିଲ୍ଲାପାଳଙ୍କ ପର୍ଯ୍ୟନ୍ତ ଆବେଦନ କରିଥିଲେ ମଧ୍ୟ କୌଣସି ସୁଫଳ ମିଳିପାରି ନ ଥିଲା । ଶେଷରେ ଲଷ୍ମୀଧର ମାନ୍ୟବର ଉଚ୍ଚ ନିଯ୍ୟାଳୟର ଦ୍ୱାରସ୍ଥ ହୋଇଥିଲେ । ମାନ୍ୟବର ଉଚ୍ଚ ନ୍ଯାୟାଳୟ W.P(C) NO-36131/22 ଚିଠି ମୂଳେ ରାସ୍ତା ଦେବାକୁ ବାଲିଆପାଳ ତହସିଲକୁ ନିର୍ଦେଶ ଦେଇଥିଲେ । ଉଚ୍ଚ ନିୟାଳୟର ନିର୍ଦେଶକୁ ମାନି ବାଲିଆପାଳ ତହସିଲ ପକ୍ଷରୁ ଘଟଣା ସ୍ଥଳରେ ପହଂଚି ଉକ୍ତ ସରକାରୀ ଜାଗାକୁ ଚିହ୍ନଟ କରିବା ସହିତ ଜବର ଦଖଲକୁ ଉଛେଦ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
