ଲାଞ୍ଜିଗଡ଼,(ମନିସ)-ନିଜର ସାଙ୍ଗସାଥୀ ସହିତ ବୁଲିବାକୁ ଯାଇଥିଲେ ! ତେବେ କିଏ ଜାଣିଥିଲା ସେଠାରେ ଏଭଳି ଅଘଟଣ ଘଟିବ ବୋଲି ! ଏପରି ଏକ ଅଭାବନୀୟ ଘଟଣା କ୍ରମରେ ଲାଞ୍ଜିଗଡ଼ ଓ ନର୍ଲା ବ୍ଲକ ସୀମାନ୍ତ ଢୁଷଗୁଡାସ୍ଥିତ ରେତ୍ ନଦୀ ଡ୍ୟାମ୍ 
ରେ ବୁଡ଼ି ଜଣେ କଲେଜ ଛାତ୍ର ନିଖୋଜ ଥିବା ସୂଚନା ମିଳିଛି ! ଏ ସଂପର୍କରେ ସୂଚନା ପାଇ ଘଟଣାସ୍ଥଳରେ ନର୍ଲା ଓ ଭବାନୀପାଟଣା ଅଗ୍ନିଶମ ବିଭାଗ ପହଞ୍ଚି ଡ୍ୟାମ୍ ପାଣି ଭିତରେ ଖୋଜାଖୋଜି କରୁଥିବା ଜଣାପଡ଼ିଛି ! ସେହିପରି ଘଟଣାସ୍ଥଳରେ ନର୍ଲା ଓ ଛତିକୁଡ଼ା ପୁଲିସ ମଧ୍ୟ ପହଞ୍ଚିଛନ୍ତି ! ଖବର ଅନୁଯାୟୀ, ଭବାନୀପାଟଣା ସହରର କିଛି କଲେଜ ଛାତ୍ରଛାତ୍ରୀ ଆଜି ଦିନବେଳେ ରେତ୍ ପ୍ରକଳ୍ପ ବୁଲିବାକୁ ଆସିଥିବାବେଳେ ଜଣେ ଛାତ୍ର ସାଲୁ ପଣ୍ଡା ଅସାବଧାନତାବଶତଃ ପାଣିରେ ବୁଡିଯାଇଥିଲେ ! 
ତାଙ୍କ ସାଙ୍ଗସାଥୀମାନେ ସାଲୁଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ ପାଣିର ଗଭୀରତା ଯୋଗୁଁ ଉଦ୍ଧାର କରିପାରିନଥିଲେ ! ଏ ସଂପର୍କରେ ପୁଲିସ ଓ ଅଗ୍ନିଶମ ବିଭାଗ ଖବର ପାଇ ଘଟଣାସ୍ଥଳରେ ପହଞ୍ଚି ଖୋଜାଖୋଜି ଜାରି ରଖିଥିବା ଜଣାପଡ଼ିଛି ! ତେବେ ବର୍ତ୍ତମାନ ପର୍ଯ୍ୟନ୍ତ ଛାତ୍ରଜଣଙ୍କ ନିଖୋଜ ଥିବା ଜଣାପଡ଼ିଛି ।
ଲାଞ୍ଜିଗଡ଼ ବ୍ଲକ ରୁ ସୁଶୀଲ କୁମାର ବାଗ ଙ୍କ ରିପୋର୍ଟ
