ଲାଞ୍ଜିଗଡ଼,୧୩/୦୭(ମନିସ)-କଳାହାଣ୍ଡି ଜିଲ୍ଲା ଲାଞ୍ଜିଗଡ଼ ଓ ନର୍ଲା ବ୍ଲକ ସୀମାନ୍ତ ଢୁଷଗୁଡାସ୍ଥିତ ରେତ୍ ନଦୀ ଡ୍ୟାମ୍ ରେ ବୁଡ଼ି ନିଖୋଜ ଥିବା କଲେଜ ଛାତ୍ରର ଶବ ଆଜି ୨୪ ଘଣ୍ଟା ପରେ ଉଦ୍ଧାର କରାଯାଇଛି ! ଶବ ଉଦ୍ଧାର ପରେ ଅଞ୍ଚଳରେ ଶୋକର ଛାୟା ଖେଳିଯାଇଛି ! ଅପରପକ୍ଷରେ ଶବ ଉଦ୍ଧାର କରିବାରେ ବିଳମ୍ବ ହେବା ଓ ନିଖୋଜ ଛାତ୍ରଙ୍କ ସାଙ୍ଗରେ ଆସିଥିବା ଛାତ୍ରଛାତ୍ରୀଙ୍କୁ ପୁଲିସ ଛାଡ଼ି ଦେଇଥିବାରୁ ଉତ୍ୟକ୍ତ ପରିବାର ଲୋକେ ଛତିକୁଡ଼ା ଛକରେ ତିନିଘଣ୍ଟା ଧରି ରାସ୍ତାରୋକ କରିଥିଲେ ! ଏଥିଯୋଗୁଁ ଭବାନୀପାଟଣାରୁ ରାୟଗଡ଼ା ଓ ମଦନପୁର ରାମପୁର ରାସ୍ତାରେ ଯାନବାହନ ଚଳାଚଳ ଠପ୍ ହୋଇଥିଲା ! ଏଇ ସମୟ ମଧ୍ୟରେ ଅଗ୍ନିଶମ ବିଭାଗ ଦ୍ବାରା ଗତକାଲି ସନ୍ଧ୍ୟାରେ ବନ୍ଦ ଥିବା ଉଦ୍ଧାର କାର୍ଯ୍ୟ ଆଜି ପୁଣି ଆରମ୍ଭ ହୋଇଥିଲା ! ତେବେ ଗତକାଲି ସନ୍ଧ୍ୟା ହେବାରୁ ବନ୍ଦ ଥିବା ଉଦ୍ଧାର କାର୍ଯ୍ୟ ଆଜି ପୁଣି ଆରମ୍ଭ କରାଯାଇଥିବାବେଳେ ନିଖୋଜ ହେବାର ୨୪ ଘଣ୍ଟା ପରେ ଆଜି ଦିନ ୧୧.୩୦ ସମୟରେ ଛାତ୍ରଙ୍କ ମ୍ରୁତଦେହ ଉଦ୍ଧାର କରାଯାଇଥିଲା ! ଶବ ଉଦ୍ଧାର ସମୟରେ ମାଜିଷ୍ଟ୍ରେଟ୍ ଦାୟିତ୍ବରେ ନର୍ଲା ତହସିଲଦାର ଶଙ୍କର ବାଗ, ନର୍ଲା ଥାନାଧିକାରୀ ଗଙ୍ଗାଧର ମେହେର ପ୍ରମୁଖ ଉପସ୍ଥିତ ଥିଲେ !