ତେନ୍ତୁଳିଖୁଣ୍ଟି ୨୬/୦୭/୨୩ // ତେନ୍ତୁଳିଖୁଣ୍ଟି ବ୍ଳକ ପୂଜାରୀଗୁଡା ଛକ ଠାରେ ରହିଥିବା ଦାନୀଗୁଡା ଗ୍ରାମର ନରସିଂହ ଗୌଡ଼(ଲୁଦୁ)ଙ୍କ କମ୍ପ୍ୟୁଟର ଦୋକାନ ରେ ନିଆଁ ଲାଗି ଲକ୍ଷାଧିକ ଟଙ୍କା ର ସାମଗ୍ରୀ ନଷ୍ଟ ହୋଇ ଯାଇଛି । ଗତ କାଲି ରାତି ରେ ନିଆଁ ଲାଗିଥିବା ଅନୁମାନ କରା ଯାଉଛି। ରାସ୍ତା ପାର୍ଶ୍ଵରେ ଥିବା ରାତିବେଳା ଚଳ ପ୍ରଚଳ କମ ଯୋଗୁଁ ଜଣା ପଡିନ ଥିଲା। ଆଜି ସକାଳୁ ବୁଲି ବାହାରିଥିବା କିଛି ବ୍ୟକ୍ତି ଧୁଆଁ ମୟ ପରିବେଶ ଦେଖି ଷ୍ଟଲ ରେ ନିଆଁ ଲାଗିଥିବା ଅନୁମାନ କରି ସମ୍ପୃକ୍ତ ଦୋକାନୀ ଓ ଅଗ୍ନିଶମ ବହିନୀକୁ ଫୋନ କରିଥିଲେ। ଅଗ୍ନିଶମ କର୍ମଚାରୀ ଆସି ନିଆଁ କୁ ଆୟତ୍ତ କରିଥିଲେ। ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି। ଉକ୍ତ ଦୋକାନରେ ବଡ଼ ଜେରେକ୍ସ ମେସିନ ସାନ ଜେରେକ୍ସ ମେସିନ ,ତିନଟି ପ୍ରିଣ୍ଟର, ଦୁଇଟି ଲାପଟପ, ସିସି କେମେରା ର ସେଟ,ଇନଭେଟର ,ସ୍ଵାମୀ ,ସ୍ତ୍ରୀ ର ବୋର୍ଡ଼ ସାର୍ଟିଫିକେଟ, ଜେରେକ୍ସ ପେପର, ସହ ବହୁତ ଜିନିଷ ରହିଥିବା ଦୋକାନୀ କହିଛନ୍ତି। ବେକାର ଥିବାରୁ ରୋଜଗାର ପାଇଁ ଋଣ କରି ଦୋକାନ କରିଥିଲେ। ଏତେବଡ଼ କ୍ଷତି ଯୋଗୁଁ ସେ ଭାଙ୍ଗିପଡିଛନ୍ତି। କ୍ଷତିପୂରଣ ବ୍ୟବସ୍ଥା ପାଇଁ ଦାବୀ ହେଉଛି।
ଗୋବର୍ଦ୍ଧନ ସାହୁ ତେନ୍ତୁଳିଖୁଣ୍ଟି
