ନୂଆପଡା,କ୍ଷୁଦ୍ର ଶସ୍ୟ ବା ମିଲେଟ୍ ର ଖାଦ୍ୟକୁ ଲୋକାଭିମୁଖୀ କରିବା ପାଇଁ ନୂଆପଡା ଜିଲ୍ଲା କୋମନାରେ ଆୟୋଜିତ ହୋଇଛି ମିଲେଟ୍ ରେସିପି କଣ୍ଟେଷ୍ଟ । ନୂଆପଡା କୢଷି ବିଜ୍ଞାନ କେନ୍ଦ୍ର ଏହି ପ୍ରତିଯୋଗୀତା ଆୟୋଜନ କରି ଥିଲା ।ନୂଆପଡା ଜିଲ୍ଲା କୋମନା ବ୍ଲକ ସ୍ତରୀୟ ମିଲେଟ୍ ରେସିପି କଣ୍ଟେଷ୍ଟ ସ୍ଥାନୀୟ କୢଷି ବିଭାଗ କାର୍ଯ୍ୟାଳୟ ପରିସରରେ ଆୟୋଜିତ ହୋଇ ଯାଇଛି । ଏହି ମିଲେଟ୍ ଖାଦ୍ୟ ମେଳାରେ ୯ଟି ସ୍ବୟଂ ସହାୟକ ଦଳ ଅଂଶଗ୍ରହଣ କରି ଥିଲେ । କୋମନା ବ୍ଲକର ମାଁ ମଙ୍ଗଳା ଏସଏଚଜି କାଣ୍ତେତରା , ମାଁ ବସ୍ରାଣୀ ଏସଏଚଜି କାଣ୍ତେତରା, ସତ୍ୟ ନାରାୟଣୀ ଏସଏଚଜି କାଣ୍ତେତରା, ଜୟ ମାଁ ସମଲେଶ୍ବରୀ ଏସଏଚଜି ଶୁକ୍ଲିମୁଣ୍ତି , ଜୟ ମାଁ ଦୁର୍ଗା ଏସଏଚଜି ଶୁକ୍ଲିମୁଣ୍ତି ,ମାଁ ବୈଷ୍ଣୋଦେବୀ ଏସଏଚଜି କୋମନା ,ମାଁ ଭଵାନୀ ଏସଏଚଜି ବେଲଗାଁ, ମାଁ ବସ୍ରାଣୀ ଏସଏଚଜି ବେଲଗାଁ ପ୍ରମୁଖ ଯୋଗଦାନ କରି ଥିଲେ । ସ୍ବୟଂ ସହାୟକ ଦଳର ମହିଲାମାନେ ମାଣ୍ତିଆ,ଗୁରୁଜୀ ଓ ବାଜରାରେ ପ୍ରସ୍ତୁତ ହୋଇ ଥିବା ୨୪ ପ୍ରକାର ବ୍ୟଞନ ପ୍ରଦର୍ଶନ କରି ଥିଲେ । ଏହି ପ୍ରତିଯୋଗୀତାରେ ମାଁ ସମଲେଶ୍ବରୀ ଏସଏଚଜି ଦଳ ପ୍ରଥମ,ମାଁ ବୈଷ୍ଣୋଦେବୀ ଏସଏଚଜି ଦଳ ଦ୍ବିତୀୟ ଓ ମାଁ ଭଵାନୀ ଏସଏଚଜି ଦଳ ତୢତୀୟ ହୋଇ ଥିଲେ ।ଏହି କାର୍ଯ୍ୟକ୍ରମରେ କୢଷି ବିଜ୍ଞାନ କେନ୍ଦ୍ରର ମୁଖ୍ୟ ଶାଶ୍ବତୀ ପଟ୍ଟନାୟକ,ବିମଳିନୀ ପ୍ରଧାନ ସିଡିପିଓ କୋମନା, ଲଖନଲାଲ ମିନା ବୈଜ୍ଞାନିକ କୢଷି ବିଜ୍ଞାନ କେନ୍ଦ୍ର , ଆରାଧନା ଶବର ଏଏଚଓ, ଆଶିଷ କୁମାର ମେହେର ବ୍ଲକ କୢଷି ଅଧିକାରୀ, ସଙ୍ଗୀତା ମେହେର ସହ କୢଷି ଅଧିକାରୀ ପ୍ରମୁଖ ଅତିଥି ଭାବେ ଯୋଗଦାନ କରି ଥିଲେ । ବିରଞ୍ଚି ମହାପାତ୍ର ,ଗୌତମ ଦୁରିଆ ଓ ଉଦେମଣି ନିଆଲ ସହଯୋଗ କରି ଥିଲେ ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
