ବନ୍ଧୁଗାଁ ତା,୨୨।୦୮।୨୩,ଦୀର୍ଘ ବର୍ଷର ବ୍ୟବଧାନ ପରେ କୋରାପୁଟ ଜିଲ୍ଲା ନାରାୟଣପାଟଣା ବ୍ଲକରେ ପୋଷ୍ଟର ଲଗାଇ ମାଓବାଦୀ ମାନେ ନିଜର ଉପସ୍ଥିତ ଜାହିର କରିଛନ୍ତି।ଯାହାକୁ ନେଇ ଅଞ୍ଚଳରେ ଏବେ ଭୟର ବାତା ବରଣ ଦେଖିବାକୁ ମିଳିଛି । ନାରାୟଣ ପାଟଣା ବ୍ଲକର ଚିନ୍ତାଗୁଡ଼ା ଠାରେ ଖଞ୍ଜାବତି ନଦୀ ଉପରେ ନିର୍ମାଣ ହେବାକୁ ଯାଉଥିବା ଏକ ଚେକ୍ ଡେମ୍ କୁ ବିରୋଧ କରି ମାଓ ପୋଷ୍ଟର ଲଗା ଯାଇଥିବା ଦେଖିବାକୁ ମିଳିଛି ।
ସାବଧାନ ଏ ନଦୀ ଜଙ୍ଗଲ,ଜମି ଆମ ଆଦିବାସୀ ମାନଙ୍କର।ଏଥିରେ ସରକାରଙ୍କ ହସ୍ତକ୍ଷେପ ବର୍ଦାସ୍ତ କରିବୁ ନାହିଁ,ଝଞ୍ଜାବତି ନଦୀ ଉପରେ ଚେକ୍ ଡେମ୍ କରାଇ ଦେବୁ ନାହିଁ ବୋଲି ଉଲ୍ଲେଖ ଥିବା ବେଳେ ସବୁ ଲୋକ ପ୍ରତିନିଧି ମାନଙ୍କୁ ମଧ୍ୟ ସାବଧାନ ରହିବାକୁ ଉଲ୍ଲେଖ ରହିଛି । ଖବର ଲେଖା ହେବା ସୁଧା ଘଟଣା ସ୍ଥଳକୁ ପୋଲିସ ଜାଇ ନଥିବା ବେଳେ ଏହି ଘଟଣାଟି ଅସଲି ମାଓବାଦୀଙ୍କର ନା ନକଲି ମାଓବାଦୀଙ୍କର ତାହା ଏଯାଏଁ ଜଣା ପଡିନି ।
ପ୍ରକାଶ ଥାଉକି କୋରାପୁଟ ଜିଲ୍ଲାର ନାରାୟଣ ପାଟଣା ଓ ବନ୍ଧୁଗାଁ ବ୍ଲକ୍ ଏକଦା ମାଓବାଦୀଙ୍କ ଅଧୀନରେ ଥିଲା ।ମାଓବାଦୀଙ୍କ ଦ୍ବାରା ଏହି ଦୁଇଟି ବ୍ଲକରେ ହିଂସାତ୍ମକ କାର୍ଯ୍ୟ କଳାପ ବୃଦ୍ଧି ପାଇବାରୁ ସ୍ଥାନେ ସ୍ଥାନେ ବିଏସଏଫ କ୍ୟାମ୍ପ ପ୍ରତିଷ୍ଠା ହେଲା । କିଛି ମାଓବାଦୀ ଗିରଫ ହେଲେ କିଛି ଅଞ୍ଚଳ ଛାଡି ଚାଲି ଗଲେ । ଫଳରେ ମାଓ ଇଲାକା ଭୁସୁଡ଼ିବାରେ ଲାଗିଲା । ବିଏସଏଫ କ୍ୟାମ୍ପ ଉଠୀଯିବା ପରଠୁ ପୁଣି ଏବେ ମାଓବାଦୀ ମାନେ ନିଜର ଉପସ୍ଥିତି ଜାହିର କରିବାକୁ ନେଇ ଅଞ୍ଚଳରେ ଭୟର ବାତାବରଣ ଖେଳି ଯାଇଛି । ଆଗକୁ ରାଜ୍ୟ ସରକାର କି ପଦକ୍ଷେପ ଗ୍ରହଣ କରୁଛନ୍ତି ତାହା ଦେଖିବାକୁ ବାକି ରହିଲା ।