ଛାତ୍ରୀଙ୍କୁ ଅସଦାଚରଣ ଘଟଣା ପରେ ଶିକ୍ଷୟିତ୍ରୀ ଙ୍କୁ ନିଲମ୍ବନ କଲେ ଜିଲ୍ଲା ଶିକ୍ଷାଧିକାରୀ
ନବରଙ୍ଗପୁର (ମସିହା)- ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଟିକିରାପାଲା ଉଚ୍ଚ ବିଦ୍ୟାଳୟର ଛାତ୍ରୀଙ୍କୁ ଅସଦାଚରଣ କରିଥିବା ଅଭିଯୋଗରେ ଶିକ୍ଷୟିତ୍ରୀ ଙ୍କୁ ଆଜି ନବରଙ୍ଗପୁର ଜିଲ୍ଲା ଶିକ୍ଷାଅଧିକାରୀ ପ୍ରଦୀପ ନାଗ ନିଲମ୍ବିତ କରିଛନ୍ତି ।ସୂଚନା ଥାଉକି ଗତ କିଛି ଦିନ ତଳେ ଉକ୍ତ ବିଦ୍ୟାଳୟ ର ଛାତ୍ରୀ ନିକିତା ଧାଙ୍ଗଡାମାଝୀ ଙ୍କୁ ସେହି ବିଦ୍ୟାଳୟର ଶିକ୍ଷୟିତ୍ରୀ ମଧୁସ୍ମିତା ବେହେରା ଅସଦାଚରଣ କରିଥିବା ଅଭିଯୋଗ ହୋଇଥିଲା । ଅସଦାଚରଣ ବିଷୟ ନେଇ ନିକିତା ସ୍କୁଲ କମିଟି ଓ ପ୍ରଧାନଶିକ୍ଷକ ଙ୍କୁ ଜଣାଇଥିଲେ । ଏନେଇ ସ୍ଥାନୀୟ ବିଦ୍ୟାଳୟ କମିଟି ଓ ଗ୍ରାମବାସୀ ଶିକ୍ଷୟିତ୍ରୀ ଙ୍କ ଅସଦାଚରଣ ବିଷୟ ନେଇ ନବରଙ୍ଗପୁର ଜିଲ୍ଲା ଶିକ୍ଷାଅଧିକାରୀଙ୍କୁ ଗତ ୨୫.୦୮.୨୩ ରେ ଏକ ଲିଖିତ ଅଭିଯୋଗ କରିଥିଲେ । ଗତ ଅଗଷ୍ଟ ୨୧ ତାରିଖରୁ ୧୦ମ ଶ୍ରେଣୀର ଛାତ୍ରୀ ନିକିତା ଧାଙ୍ଗଡାମାଝୀଙ୍କୁ ଆକ୍ରୋଶମୂଳକ ଭାବେ ପାଠରୁ ବଞ୍ଚିତ କରି ଲାଇବ୍ରେରୀ କୋଠରୀକୁ ପଠାଇ ଦେଇଥିଲେ lଫଳରେ ନିକିତା ଅପମାନର ଶିକାର ହେଉଥିଲେ । ଏପରିକି ଅଧିକାଂଶ ଛାତ୍ରଛାତ୍ରୀଙ୍କୁ ଏପରି ବ୍ୟବହାର କରିବା ଫଳରେ ସ୍କୁଲ ନ ଯାଇ ଘରେ ବାଳୁଙ୍ଗା ହୋଇ ବୁଲୁଛନ୍ତି lତେଣୁ ମଧୁସ୍ମିତା ବେହେରାଙ୍କୁ ଅନ୍ୟତ୍ର ବଦଳି କରାଯାଉ ବୋଲି ଗ୍ରାମବାସୀ ଓ କମିଟି ଜିଲ୍ଲା ଶିକ୍ଷା ଅଧିକାରୀ ଙ୍କୁ ଲିଖିତ ଭାବେ ଅଭିଯୋଗ କରିଥିଲେ । ୭ ଦିନ ଭିତରେ ଶିକ୍ଷୟିତ୍ରୀ ଙ୍କୁ ଅନ୍ୟତ୍ର ବଦଳି କରା ନ ଗଲେ ବିଦ୍ୟାଳୟ କୁ ତାଲା ପକାଇ ଦିଆଯିବ ବୋଲି ସୂଚାଇ ଦେଇଥିଲେ । ଅଭିଯୋଗକୁ ଭିତ୍ତିକରି ଜିଲ୍ଲା ଶିକ୍ଷା ଅଧିକାରୀ ପ୍ରଦୀପ ନାଗ ଦୁଇ ଜଣ ଅତିରିକ୍ତ ଶିକ୍ଷାଅଧିକାରୀଙ୍କୁ ବିଦ୍ୟାଳୟରେ ଯାଇ ତଦନ୍ତ କରିବାକୁ ନିର୍ଦ୍ଦେଶ ଦେଇଥିଲେ । ନିର୍ଦ୍ଦେଶ ପାଇବା ପରେ ଦୁଇ ଅତିରିକ୍ତ ଶିକ୍ଷା ଅଧିକାରୀ ବିଦ୍ୟାଳୟ କୁ ଯାଇ ଗ୍ରାମବାସୀ ଓ ଛାତ୍ରଛାତ୍ରୀ ଙ୍କୁ ଯାଞ୍ଚ କରି ପଚାରି ବୁଝିଥିଲେ । ଗ୍ରାମବାସୀ ଓ ଛାତ୍ରଛାତ୍ରୀ ଙ୍କ ଅଭିଯୋଗ ପ୍ରକାରେ ଶେଷରେ ଜିଲ୍ଲା ଶିକ୍ଷା ଅଧିକାରୀ ପ୍ରଦୀପ ନାଗ ଶିକ୍ଷୟିତ୍ରୀ ମଧୁସ୍ମିତା ବେହେରାଙ୍କୁ ପତ୍ରାଙ୍କ ସଂଖ୍ୟା ୪୧୪୮/୨୩ ପ୍ରକାରେ ନିଲମ୍ବିତ କରିଛନ୍ତି । ଏପରି ନିଷ୍ପତ୍ତିକୁ ଜନସାଧାରଣ ଖୁସି ହେବା ସହ ଜିଲ୍ଲା ଶିକ୍ଷା ଅଧିକାରୀ ଙ୍କୁ ପ୍ରସଂଶା କରିଥିବା ବେଳେ ନିକିତା ପଢିବା ପାଇଁ ଆଗ୍ରହୀ ହେବ, ଯାହାକି ଶିକ୍ଷା ଅଧିକାର ଆଇନ ପାଇବ l