ରାଧାକୃଷ୍ଣ ମନ୍ଦିର ରେ ଶ୍ରୀ କୃଷ୍ଣ ଜନ୍ମାଷ୍ଟମୀ ମହା ଆଡ଼ମ୍ବରରେ ପାଳିତ
ଡାବୁଗାଁ,୭/୯ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦମହକୁମା ଜୟନ୍ତୀନଗରସ୍ଥିତ ଶ୍ରୀ ରାଧାକୃଷ୍ଣ ମନ୍ଦିର ରେ ବୁଧବାର ଦିନ ରାତିରେ ମହା ଆଡ଼ମ୍ବରରେ ଶ୍ରୀ କୃଷ୍ଣ ଙ୍କ ଜନ୍ମାଷ୍ଟମୀ ପାଳିତ ହୋଇଯାଇଛି । ଏହି ଦିନ ମାଁ ମାନେ ଓ ଜନ୍ମାଷ୍ଟମୀ ପାଳନ କରୁଥିବା ଭାଇମାନେ ଉପବାସ ରହି ସନ୍ଧ୍ୟା ବେଳେ ମନ୍ଦିର କୁ ନିଷ୍ଠା ସହକାରେ ଯାଇ ରାଧାକୃଷ୍ଣ ମନ୍ଦିରରେ ଫଳ, ନାରିକେଳ ନେଇ ପୂଜାର୍ଚ୍ଚନା ପୂଜକ ନରସିଂହ ଗନ୍ତାୟତ ଙ୍କ ଦ୍ଵାରା କରିଥାଆନ୍ତି l ମନ୍ଦିରରେ ପ୍ରବଳ ଭିଡ ହୋଇ ଥିବାରୁ ପୂଜକ ଙ୍କୁ ମହେଶ ପଣ୍ଡା, ଗୋବିନ୍ଦ ପଣ୍ଡା ପୂଜା କାର୍ଯ୍ୟରେ ସହଯୋଗ କରି ଥିଲେ l ମନ୍ଦିର ଟି ଆଲୋକ ମାଳାରେ ସୁସଜ୍ଜିତ ହୋଇଥିବା ବେଳେ ଭଜନର ଆସର ଭକ୍ତି ପୂର୍ଣ୍ଣ ବାତାବରଣ ସୃଷ୍ଟି କରୁଥିଲା l ଏପରିକି ଛୋଟ ଶିଶୁ ଭଜନର ତାଳେ ତାଳେ ନାଚୁଥିଲେ l ଶଙ୍ଖ, ଘଣ୍ଟ, ହୁଳହୁଳି ରେ ମନ୍ଦିର ପରିସର ଉଛୁଳି ପଡୁଥିଲା l ପୂଜାର୍ଚ୍ଚନା କରିବା ପରେ କୃଷ୍ଣ ଜନ୍ମ ହୁଅନ୍ତି, ଭକ୍ତିମତି ମାଁ ମାନଙ୍କ ଦ୍ଵାରା ଜନ୍ମିତ କୃଷ୍ଣ ମହାପ୍ରଭୁ ଙ୍କୁ କ୍ଷୀର ଲବଣୀ ଖୁଆଇ ଦିଅନ୍ତି, ପରେ ଜନ୍ମିତ କୃଷ୍ଣ ମହାପ୍ରଭୁ ଙ୍କୁ ଝୁଲଣା ରେ ଝୁଲାଇ ଥାଆନ୍ତି l ପ୍ରସାଦ ଧରି ଘରକୁ ଫେରି ପ୍ରାସାଦ ପାଇ ଜନ୍ମାଷ୍ଟମୀ ପାଳନ କରି ଥାଆନ୍ତି l ପ୍ରାୟ ଉକ୍ତ ଦିନ ଆଧିକାଂଶ ନିର୍ଜଳା ଉପବାସ କରି ପ୍ରସାଦ ପାଇବା 
ପରେ ଜଳ ଗ୍ରହଣ କରିଥାଆନ୍ତି l ମନ୍ଦିର ପରିଚାଳନା କମିଟି ର ସଭାପତି ବଲ୍ଲଭ ନାରାୟଣ ପଣ୍ଡା ଙ୍କ ପ୍ରତ୍ୟେକ୍ଷ ତତ୍ତ୍ଵାବଧାନରେ ଦୀପକ ସ୍ୱାଇଁ, ଗଗନ ବିହାରୀ ମହାନ୍ତି, ସୁଶାନ୍ତ କୁମାର ପଣ୍ଡା, ମନ୍ମଥ ପଣ୍ଡା, ସୁବାଷ ପାଣିଗ୍ରାହୀ, ପୂର୍ଣ୍ଣ ଚନ୍ଦ୍ର ବେହେରା ଓ ଅନ୍ୟମାନେ ଉପସ୍ଥିତ ରହି ସହଯୋଗ କରିଥିଲେ | ଏହାସହ ଗୁରୁବାର ଦିନ ମଧ୍ୟାନ୍ନରେ ନନ୍ଦୋତ୍ସବ ମହା ଆନନ୍ଦ ଉଲ୍ଲାସ ରେ ପାଳନ କରାଯାଇଥିଲା | ଏଥିରେ ବହୁ ଭକ୍ତ ଙ୍କ ଭିଡ ପରିଲକ୍ଷିତ ହୋଇଥିଲା | ସମସ୍ତ ଭକ୍ତ ମାନଙ୍କ ପାଇଁ କମିଟି ତରଫରୁ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା l
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
