ଭାରସାମ୍ୟ ହରାଇ କଲଭର୍ଟରେ ପିଟିହେଲା ବୋଲେରୋ ଗାଡି, ୬ ଆହତ
ଡାବୁଗାଁ,୧୦/୯ (ମ.ନି.ସ.)- ରବିବାର ସନ୍ଧ୍ୟାରେ ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ମାଝୀଗୁଡା ଗ୍ରାମ ନିକଟ ଏକ କଲଭର୍ଟ ରେ ଏକ ବୋଲେରୋ ଗାଡି ଭାରସାମ୍ୟ ହରାଇ ଦୁର୍ଘଟଣା ଘଟିଛି | ସୂଚନାଯୋଗ୍ୟ:- ଝରିଗାଁ ବ୍ଲକ ଅଧୀନ ଚଚା ଗ୍ରାମର ମହିଳା ମାନେ କୋଷାଗୁମୁଡା ବ୍ଲକ ଅଧୀନ କଟାଗାଁ ନିକଟସ୍ଥ ବେହେରାଗୁଡା 
ଗ୍ରାମକୁ ନିଜ ବନ୍ଧୁ ଘରକୁ ଯାଇଥିଲେ | ସେଠାରୁ ନିଜ ଘର ଚଚା ଗ୍ରାମକୁ ବୋଲେରୋ ଗାଡି ନଂ ଓଡି ୦୨ ବିକ୍ୟୁ ୪୫୧୮ ଯୋଗେ ଫେରୁଥିବା ବେଳେ ଡାବୁଗାଁ-ବୋରିଗାଁ ମୁଖ୍ୟ ରାସ୍ତା ର ମାଝୀଗୁଡା ଗ୍ରାମ ନିକଟ ଏକ କଲଭର୍ଟରେ ଭାରସାମ୍ୟ ହରାଇ ଦୁର୍ଘଟଣା ଘଟିଥିଲା | ଫଳରେ ଗାଡିରେ ଥିବା ୮ ଜଣ ମହିଳା ଓ ୨ ଜଣ ଛୋଟ ପିଲା ଙ୍କ ମଧ୍ୟରୁ ୬ ଜଣ ଆହତ ହୋଇଛନ୍ତି | ସେମାନେ ହେଲେ ଚଚା ଗ୍ରାମର ରୀନା ପ୍ରଧାନୀ (୩୫), ଉଷା ପାଇକ (୩୬), 
କୁମାରୀ ପୂଜାରୀ (୩୩), ହେମୁନୀ ପୂଜାରୀ (୩୨), ସନ୍ତୋସୀ ପୂଜାରୀ (୩୦) ଓ ନୂତନ ପାଇକ (୧୪)ପ୍ରମୁଖ ଆହତ ହୋଇଛନ୍ତି | ଏଥିରୁ ରୀନା ପ୍ରଧାନୀଙ୍କ ହାତ ଭାଙ୍ଗି ଯାଇଥିବା ବେଳେ ଉଷା ପାଇକ ଙ୍କ ମୁଣ୍ଡରେ ଗଭୀର ଆଘାତ ଲାଗିଛି | ଖବର ପାଇଁ ଡାବୁଗାଁ ଅଗ୍ନିସମ କେନ୍ଦ୍ର କର୍ମଚାରୀ ମାନେ ପହଞ୍ଚି ଆହତ ମାନଙ୍କୁ ଉଦ୍ଧାର କରି ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ | ଡାବୁଗାଁ ଥାନା ଏଏସଆଇ ପୁଷ୍ପଲତା ସୁନାନୀ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
