ଭାଟପଡା ରେ ଶାଶୁ ବୋହୂ ସମିଳନୀ
ବାଲେଶ୍ଵର,୧୧/୯/୨୩ – ବାଲେଶ୍ଵର ଜିଲ୍ଲା ଖଇରା ବ୍ଲକ ମାଖାନପୁର ପଂଚାୟତ ଭାଟପଡା ଅଙ୍ଗନବାଡି କେନ୍ଦ୍ର ପରିସରରେ ମାଖାନପୁର ସ୍ୱାସ୍ଥ୍ୟ ଉପକେନ୍ଦ୍ର ତରଫରୁ ଶାଶୁ ଓ ବୋହୂ ସମିଳନୀ ଆୟୋଜିତ ହୋଇଥିଲା । ଏହି ସମିଳନୀରେ ଅଙ୍ଗନବାଡି କେନ୍ଦ୍ର ପରିସରରେ ଥିବା ଗର୍ଭବତୀ, ପ୍ରସୂତି ମହିଳା ଓ ସେମାନଙ୍କ ଶାଶୁ ମାନଙ୍କ ମଧ୍ୟରେ ସୁସମ୍ପର୍କ ପ୍ରତିଷ୍ଠା ପାଇଁ ସରକାରଙ୍କ ଏକ ଅଭିନୟ ପ୍ରାୟସ । ଶାଶୁ ଓ ବୋହୂ ମାନଙ୍କ ମଧ୍ୟରେ ମନ ମାଳିନ୍ୟ ଦୂର କରିବା ଓ ଉତ୍ତମ ସମ୍ପର୍କ ରକ୍ଷା କରିବା ପାଇଁ ଶାଶୁ ବୋହୂଙ୍କ ମଧ୍ୟରେ ମ୍ୟୁଜିକ ଚେୟାର ପ୍ରତିଯୋଗିତା ହୋଇଥିଲା ଓ ସେମାନଙ୍କ ମଧ୍ୟରେ ପ୍ରଥମ, ଦ୍ଵିତୀୟ, ତୃତୀୟ ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା । ଏହି ଶାଶୁ ବୋହୂ ସମିଳନୀରେ ପୂର୍ବତନ ବ୍ଲକ ଚେୟାରମ୍ୟାନ ଜୟନ୍ତି ରଥ, ମାଖାନପୁର ପଂଚାୟତର ମହିଳା ସ୍ୱାସ୍ଥ୍ୟକର୍ମୀ ସତ୍ୟଭାମା ବାରିକ, ସିଏଚଓ ସୁଶ୍ରୀ ସଙ୍ଗୀତା ଜେନା, ଅଙ୍ଗନବାଡି କର୍ମୀ ସୁକାନ୍ତି ଦାସ, ଆଶା ବବିତା ରାଣୀ ଶିଅଳ ପ୍ରମୁଖ ଉପସ୍ଥିତ ଥିଲେ । ସରକାରଙ୍କ ଏ ଭଳି ପ୍ରୟାସ ଏକ ସ୍ୱାଗତ ଯୋଗ୍ୟ ପଦକ୍ଷେପ ଅଟେ ବୋଲି ଗ୍ରାମବାସୀ ମତ ବ୍ୟକ୍ତ କରିଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
