ପ୍ରକାଶ ପାଇଲା ଗଳ୍ପ ପ୍ରତିଯୋଗିତା ଫଳାଫଳ, ସୁବର୍ଣ୍ଣପୁର ଜିଲ୍ଲାକୁ ମିଳିଲା ପ୍ରଥମ ସ୍ଥାନ
ବାଲେଶ୍ଵର,୨୪/୯/୨୩- ବାଲେଶ୍ଵର ଜିଲ୍ଲା ଖଇରା ଠାରେ ଥିବା ମୋ ଅନୁଷ୍ଠାନ ସାହିତ୍ୟ ସଂସଦରେ ପ୍ରାୟ ପ୍ରତ୍ୟେକ ରବିବାର ଗଦ୍ୟ କିମ୍ବା ପଦ୍ଯ ପ୍ରତିଯୋଗିତା ହୋଇଥାଏ । ଯଦିଓ ଗଦ୍ୟ ସାହିତ୍ୟର ବିକାଶ ନିମନ୍ତେ ଏ ଅନୁଷ୍ଠାନ ଗଠିତ, କିନ୍ତୁ ବେଳେବେଳେ ପଦ୍ଯ ସାହିତ୍ୟକୁ ମଧ୍ୟ ପ୍ରାଧାନ୍ୟ ଦେଇଥାଏ । ଏହା ଏକ ଶିକ୍ଷାର ଅନୁଷ୍ଠାନ କହିଲେ ଅତ୍ଯୁକ୍ତି ହେବନାହିଁ । ଏଠାରୁ 
ଶିକ୍ଷା ଲାଭ କରି କେତେକ ଅନ୍ୟ ଅନୁଷ୍ଠାନ ମାନଙ୍କରେ ବିଭିନ୍ନ ଆସନ ଅଳଙ୍କୃତ କଲେଣି, ଯାହା ଏ ଅନୁଷ୍ଠାନ ପାଇଁ ଗର୍ବ ଓ ଗୌରବର ବିଷୟ । ଏହା ମୁଖ୍ୟତଃ ଗଦ୍ୟ ସାହିତ୍ୟର ଉନ୍ନତି ପାଇଁ ମଙ୍ଗ ଧରିଛି । ଗଳ୍ପ, ପ୍ରବନ୍ଧ, ନିବନ୍ଧ, କାହାଣୀ, ଭ୍ରମଣ କାହାଣୀ, ଜାଣିବା କଥା, ରମ୍ଯରଚନା ଇତ୍ୟାଦି ପ୍ରତିଯୋଗିତା ମାଧ୍ୟମରେ ସମସ୍ତଙ୍କୁ ଶିକ୍ଷା ଦିଆଯାଇଥାଏ । ଏହି ପରିପ୍ରେକ୍ଷୀରେ ଆଜି(୨୪/୯/୨୦୨୩) ରବିବାର ପ୍ରତିଯୋଗିତାର ପ୍ରସଙ୍ଗ ଥିଲା- ” ଶାନ୍ତ ଅପରାହ୍ନର ସ୍ମୃତି ” । ଏଥିରେ ବିଭିନ୍ନ ଜିଲ୍ଲାରୁ ମୋ ୫ଜଣ 
ଅଂଶ ଗ୍ରହଣ କରିଥିଲେ । ସେମାନଙ୍କ ଲେଖା ଗୁଡିକୁ ସମୀକ୍ଷା କରିଥିଲେ ବାଲେଶ୍ଵର ଜିଲ୍ଲାର ଗୀତିକବି ପୂର୍ଣ୍ଣିମା ସିଂ । ଏଥିରେ ଯମୁନା ମହାପାତ୍ର, ତରଭା, ସୁବର୍ଣ୍ଣପୁର, ମମତା ବେହେରା, କଟକ, ମିନତି ମିଶ୍ର ଦୋଳମଣ୍ଡପ ସାହି, ପୁରୀ, ରଶ୍ମିରେଖା ସାହୁ, ଭୁବନେଶ୍ୱର ଓ ସ୍ବର୍ଣ୍ଣପ୍ରଭା ମହାପାତ୍ର, ସୁବର୍ଣ୍ଣପୁର ପ୍ରମୁଖ ଅଂଶ ଗ୍ରହଣ କରିଥିଲେ । କୁମାରୀ ସିଂଙ୍କ ସମୀକ୍ଷାରୁ ସ୍ବର୍ଣ୍ଣପ୍ରଭା ମହାପାତ୍ର ପ୍ରଥମ, ରଶ୍ମିରେଖା ସାହୁ ଦ୍ବିତୀୟ ଓ ମିନତି ମିଶ୍ରଙ୍କୁ ତୃତୀୟ ସ୍ଥାନ ମିଳିଛି । ଭବିଷ୍ୟତ ସାହିତ୍ୟ ଜୀବନ ଚଲାପଥ ସମସ୍ତଙ୍କର କୁସୁମିତ ହେଉ ବୋଲି ଅନୁଷ୍ଠାନର ସମ୍ପାଦକ କବିକମଳ ନରେନ୍ଦ୍ର ପ୍ରସାଦ ବେହେରା ସମସ୍ତଙ୍କୁ କହିଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
