ଜିଲା ସ୍ତରୀୟ ରନିଆର ସାମାଜ ବୈଠକ ଓ ନୂତନ କର୍ମକର୍ତ୍ତା ଚୟନ
ଡାବୁଗାଁ, ୨୫/୯ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମା ପଥପ୍ରାନ୍ତ ସୁବିଧା କେନ୍ଦ୍ର ଠାରେ ଜିଲା ସ୍ତରୀୟ ରନିଆର(ବିହାରୀ)ସାମାଜ ବୈଠକ ଓ ନୂତନ କର୍ମକର୍ତ୍ତା ଚୟନ କାର୍ଯ୍ୟକ୍ରମ ରବିବାର ଅନୁଷ୍ଠିତ ହୋଇଯାଇଛି l ଉକ୍ତ ବୈଠକରେ ସର୍ବ ସମ୍ମତି କ୍ରମେ ଜିଲା ସ୍ତରୀୟ ରନିଆର ସାମାଜ ସଂଘ ର ସଭାପତି ଭାବେ ମନୋଜ କୁମାର ଗୁପ୍ତା, ଉପ ସଭାପତି ଭାବେ କୈଳାଶ ପ୍ରସାଦ ଗୁପ୍ତା, ସମ୍ପାଦକ ଯୁଗଳ କିଶୋର ଗୁପ୍ତା, ସହ ସମ୍ପାଦକ ଭାବେ ଗୋବିନ୍ଦ ଗୁପ୍ତା, କୋଷାଧ୍ୟକ୍ଷ ଭାବେ ଅରୁଣ ପ୍ରସାଦ ଗୁପ୍ତା ଓ ସନ୍ତୋଷ କୁମାର ଗୁପ୍ତାଙ୍କୁ ମନୋନୀତ କରାଯାଇଥିବା ବେଳେ କାର୍ଯ୍ୟକାରିଣୀ ସଭ୍ୟ ଭାବେ ୧୫ ଜଣଙ୍କୁ ମନୋନୀତ କରାଯାଇଥିଲା l ଉକ୍ତ ସମାଜର ସମସ୍ତ ପ୍ରକାର ସୁବିଧା ପାଇଁ ଉକ୍ତ ସଂଘ କାର୍ଯ୍ୟ କରିବ l ଶିକ୍ଷା କ୍ଷେତ୍ରରେ, ସ୍ୱାସ୍ଥ୍ୟ କ୍ଷେତ୍ରରେ, କୃଷି କ୍ଷେତ୍ରରେ, ରାଜନୀତି କ୍ଷେତ୍ରରେ ଯେପରି ଏହି ସମ୍ପ୍ରଦାୟ ର ଜନସାଧାରଣ ସରକାରଙ୍କ ଠାରୁ ସମସ୍ତ ପ୍ରକାର ସୁବିଧା ପାଇ ପାରିବେ ଏଥି ନେଇ ସଂଘ ଦ୍ଵାରା ସରକାରଙ୍କ ପାଖରେ ଉପସ୍ଥାପନ କରାଯିବ l ପାରିବାରିକ ଗଣ୍ଡଗୋଳ ମଧ୍ୟ ସମାଧାନ ଦିଗରେ ଏହି ସଂଘ ଦ୍ଵାରା ପ୍ରଥମେ ସମାଧାନ କରାଯିବ | ଏଥିରେ ନବରଙ୍ଗପୁର ଜିଲା ର ଦଶ ଗୋଟି ବ୍ଳକ ରୁ ବହୁ ରନିଆର ସାମାଜ ର ଜନସାଧାରଣ ଉପସ୍ଥିତ ହୋଇଥିଲେ l
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
