ଲୋକକଳା ଆମ ଜନଜୀବନର ଏକ ଅବିଛେଦ୍ୟ ବିଭବ
ବାଲେଶ୍ଵର,୨୪/୯/୨୩- ପବିତ୍ର ଗଣେଶ ପୂଜା ଅବସରରେ ଗଞ୍ଜାମ ଜିଲ୍ଲା ବ୍ରହ୍ମପୁର ସ୍ଥିତ ଆମ୍ବ ବଜାର ଠାରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ ନଳବେଣ୍ଟା ବଡ ପାର୍ଟି ଓ ସାହାସପୁର ତରଫରୁ ଦୁଇ ଦଳ ପ୍ରହଲ୍ଲାଦ ନାଟକ ପରିବେଷିତ ହୋଇଯାଇଛି । ଏଥିରେ ଶିଳାପଦ୍ମ ଅନୁଷ୍ଠାନ ପକ୍ଷରୁ ହିରଣ୍ୟକଶ୍ୟପୁ ରାଜା ଅଭିନୟ କରୁଥିବା ସର୍ବଶ୍ରୀ ଗୋକୁଳାନନ୍ଦ ପ୍ରଧାନ, ବ୍ରୁନ୍ଦାବନ ଜେନା, ରାଜେନ୍ଦ୍ର ପାତ୍ର, ସୀମାଞ୍ଚଳ ସାହୁ ପ୍ରମୁଖଙ୍କୁ ସମ୍ପାଦକ ସୁବାସ ଚନ୍ଦ୍ର ସାହୁ ରୋଶନ୍ ମାନପତ୍ର ଓ ଉପାୟନ ପ୍ରଦାନ ପୂର୍ବକ ସମ୍ବର୍ଦ୍ଧିତ କରି ଲୋକ ନାଟକ ବା ଲୋକକଳା ଆମ ଜନଜୀବନର ଏକ ଅବିଛେଦ୍ୟ ବିଭବ ବୋଲି ମତବ୍ୟକ୍ତ କରିଥିଲେ । ସମ୍ବର୍ଦ୍ଧନା କାର୍ଯ୍ୟକ୍ରମରେ ମ୍ରୁଦଙ୍ଗ ଗୁରୁ କୁନୁ ବେହେରା, କଣ୍ଠଶିଳ୍ପୀ ପ୍ରଦୀପ କୁମାର ସାହୁ, ବରିଷ୍ଠ ଲୋକ ନାଟକ କଳାକାର ପାଣ୍ଡବ ପ୍ରଧାନ ଓ ଦୀନବନ୍ଧୁ ପାତ୍ର ସହାୟତା କରିଥିଲେ । ଉଭୟ ଦଳ ଅତି ସୁନ୍ଦର ନାଟକ ପରିବେଷଣ କରିଥିବା ବେଳେ ଆମ୍ବ ବଜାର ପରିଚାଳନା କମିଟୀ କାର୍ଯ୍ୟକ୍ରମ ପରିଚାଳନା କରଥିଲେ ।।