ବନ୍ଧୁଗାଁ ସମନ୍ୱିତ ବିକାଶ ପ୍ରକଳ୍ପ ସ୍ତରୀୟ ପୋଷଣ ମାସ ପାଳନ
ବନ୍ଧୁଗାଁ ତା ୨୫/୯/୨୩ // କୋରାପୁଟ ଜିଲ୍ଲା ବନ୍ଧୁଗାଁ ବ୍ଲକ ସମନ୍ୱିତ ବିକାଶ ପ୍ରକଳ୍ପ ସ୍ତରୀୟ ପୋଷଣ ମାସ ସମାରୋହ ଆୟୋଜିତ ହୋଇଯାଇଛି । ସମନ୍ୱିତ ଶିଶୁ ବିକାଶ ପ୍ରକଳ୍ପର ୭ ଟି ସେକ୍ଟର ରୁ ପ୍ରତ୍ୟେକ ସେକ୍ଟର ଅନୁଯାଇ ପ୍ରତି ବର୍ଷ ପରି ଚଳିତ ବର୍ଷ ସେପ୍ଟେମ୍ବର ମାସ ୧ ରୁ ୩୦ ତାରିଖ ପର୍ଯ୍ୟନ୍ତ ସେକ୍ଟର ସ୍ତରୀୟ ପୋଷଣ ମାସ ଅଙ୍ଗନୱାଡ଼ି କର୍ମୀଙ୍କ ଦ୍ବାରା ପାଳିତ ହୋଇଯାଇଛି । ଆଜି ୭ ଟି ସେକ୍ଟର ରୁ ପ୍ରାୟ ୧୮୦ ଜଣ ଅଙ୍ଗନୱାଡ଼ି କର୍ମୀଙ୍କ ଦ୍ଵାରା ପ୍ରକଳ୍ପ ସ୍ତରୀୟ ପୋଷଣ ମାସ ପାଳନ ସମାରୋହରେ ସି ଡି ପି ଓ ଗୀତାଞ୍ଜଳୀ ମହାରଣା, ସୁପରଭାଇଜର ଲିଲି ରାଣୀ ପଣ୍ଡା ଓ ଏ ଗୌରୀ ଆମା ଉପସ୍ଥିତ ରହି ଥିଲେ । ପୋଷଣ ମାସ ପାଳନ ଅବସରରେ ପ୍ରତ୍ୟେକ ଅଙ୍ଗନୱାଡ଼ି କର୍ମୀ ସ୍ଥାନୀୟ ଅଞ୍ଚଳରେ ମିଳୁଥିବା ଖାଦ୍ୟ ଓ ସନ୍ତୁଳିତ ଖାଦ୍ୟର ଉପକାରିତା , ରକ୍ତ ହୀନତାର କାରଣ ଓ ତାହାର ନିରାକରଣ ନିମିତ୍ତ ଖାଦ୍ୟକୁ ପ୍ରଦର୍ଶନୀ କରି ସ୍ଥାନୀୟ ଅଞ୍ଚଳରେ ସଚେତନତା ସୃଷ୍ଟି କରିବା । 
କୁପୋଷଣକୁ ସଂପୂର୍ଣ୍ଣ ରୂପେ ଦୂରେଇବା ପାଇଁ ହେଲେ ବିଶେଷ କରି ମା ଓ ଶିଶୁଙ୍କର ପୋଷଣ ନିମନ୍ତେ ପରିପୂରକ ଖାଦ୍ୟ ଆବଶ୍ୟକତା ରହିଛି । ଯାହା ଫଳରେ ମାତୃ ଓ ଶିଶୁ ମୃତ୍ୟୁହାର ହ୍ରାସ କରାଇବା ସହ ଜନ୍ମରୁ ଛଅ ବର୍ଷ ବୟସ ର କୌଣସି ଶିଶୁ ଅପପୃଷ୍ଟିର ଶିକାର ହେବେ ନାହିଁ ସେଥି ପ୍ରତି ଯତ୍ନବାନ ହେବା ନିମନ୍ତେ ସି ଡି ପି ଓ ଗୀତାଞ୍ଜଳୀ ମହାରଣା ଉପସ୍ଥିତ ଥିବା ସମସ୍ତ ଅଙ୍ଗନୱାଡି କର୍ମୀଙ୍କୁ ପରାମର୍ଶ ଦେଇ ଥିଲେ ।
ବନ୍ଧୁଗାଁ ରୁ ସଂଜୀବ କୁମାର ବାଂଗାରି ଙ୍କ ରିପୋର୍ଟ
