ତିନି ଦେଶୀ ମଦ ବେପାରୀଙ୍କୁ ଗିରଫ କଲା ଭୁବନ ଅବକାରୀ ବିଭାଗ
କାମାକ୍ଷାନଗର (ମନିସ )30/10/23 // ଭୁବନ ଅବକାରୀ ବିଭାଗ କୌଣସି ସୂତ୍ରରୁ ଖବର ପାଇ ଆଜି ଢେ଼ଙ୍କାନାଳ ଜିଲ୍ଲା ଭୁବନ ଏନ୍ ଏ ସି ଅନ୍ତର୍ଗତ ସାତ ନମ୍ବର ୱାର୍ଡରେ ଚଢାଉ କରି ତିନି ଦେଶୀ ମଦ ବେପାରୀଙ୍କୁ ଗିରଫ କରିବାରେ ସଫଳ ହୋଇଛି। ସୂଚନାଯୋଗ୍ୟ କି ପାର୍ବଣ ଋତୁରେ ଭୁବନରେ ବେଆଇନ ମଦ କାରବାର ବୃଧୀପାଉଥିବ ବେଳେ , ଭୁବନ ଅବକାରୀ ବିଭାଗର ସବିନିସ୍ପେକ୍ଟର ସୌରଭ ମିଶ୍ର କୌଣସି ସୂତ୍ରରୁ ସୂଚନା ପାଇ ନିଜ ଟିମ୍ ନେଇ ଆଜି ସକାଳ ସମୟରେ ଭୁବନ ସାତ ନମ୍ବର ୱାର୍ଡର ତିନିଜଣ ଦେଶୀ ମଦ ବ୍ୟାପାରି ଚୁଗୁଲୀ ସାହୁ, ନିରଦ ସାହୁ ଏବଂ ମିନତି ସାହୁ ଙ୍କୁ ଗିରଫ କରି କୋର୍ଟ ଚାଲାଣ କରିଛି । ସେମାନଙ୍କ ନିକଟରୁ ସର୍ବମୋଟ୍ ୫୭ ଲିଟର ଦେଶୀ ମଦ ଜବତ ହୋଇଥିବା ଭୁବନ ଅବକାରୀ ବିଭାଗର ସୂଚନା ରୁ ଜଣା ପଡ଼ିଛି।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
