ଓଡିଶା ମିଲେଟ ମିଶନ ତରଫରୁ ମାଣ୍ଡିଆ ସଚେତନତା ରଥ ଶୁଭାରମ୍ଭ
ତେନ୍ତୁଳିଖୁଣ୍ଟି ୦୮/୧୧/୨୩ ,// ନବରଙ୍ଗପୁର ଜିଲା କୃଷି ଓ କୃଷକ ସଶସ୍ତୀକରଣ ବିଭାଗ ସୌଜନ୍ୟରେ ଓଡିଶା ମିଲେଟ ମିଶନ ତରଫରୁ ମାଣ୍ଡିଆ ସଚେତନତା ରଥର ଶୁଭାରମ୍ଭ ଆଜି କରାଯାଇଛି । ଏହି ରଥ ୪ ଦିନ ବ୍ଲକର ୧୫ଟି ଗ୍ରାମ ପଞ୍ଚାୟତରେ ଥିବା ସମସ୍ତ ଗ୍ରାମକୁ ଯାଇ ମାଣ୍ଡିଆ ଏବଂ ଏହାର ଉପାଦେୟତା ସମ୍ପର୍କରେ ବୁଝାଇ ମାଣ୍ଡିଆ ଚାଷ କରିବାକୁ ସଚେତନ କରିବ ।
ମାଣ୍ଡିଆ ରଥ କୁତେନ୍ତୁଳିଖୁଣ୍ଟି ତହସିଲ ଅଫିସ ପ୍ରାଙ୍ଗଣ ରୁ ତହସିଲଦାର ଅଶୋକ କୁମାର ମୁଦୁଲି ଶୁଭ ଉଦ୍ଘାଟନ କରିଥିଲେ | ଏହି ପରିପେକ୍ଷି ରେ ତେନ୍ତୁଳିଖୁଣ୍ଟି ବିଡ଼ିଓ ମନୋଜ କୁମାର ପାଣିଗ୍ରାହୀ ମଧ୍ୟ ଯୋଗ ଦେଇ ଏହି କାର୍ଯ୍ୟକ୍ରମକୁ ସଫଳ କରିବାରେ ସାହାଯ୍ୟ କରିଥିଲେ |
ବ୍ଲକ କୃଷି ଅଧିକାରୀ କାର୍ଯ୍ୟାଳୟ ର କୃଷି ଓଭରସିୟର ମଧୁସ୍ମିତା ପତି, ଏଟି ଏମ ବାଳ ଗୋବିନ୍ଦ ସାହୁ ଓଡିଶା ମିଲେଟ ମିଶନ ର ବ୍ଲକ ସଂଯୋଜକ ନିଶାନ୍ତ କୁମାର ବିଷୋୟୀ ଏବଂ ଅବିନାଶ ପଣ୍ଡା, ଅଗ୍ରଗାମୀ ତରଫରୁ ପ୍ରକଳ୍ପ ସଂଯୋଜକ ଜଗନ୍ନାଥ ଜେନା, ତେନ୍ତୁଳିଖୁଣ୍ଟି ତହସିଲ ଅଫିସ ରୁ ବରିଷ୍ଠ କିରାଣି ଦୁର୍ଗାମାଧବ ପଣ୍ଡା ଆଦି ଯୋଗ ଦେଇଥିଲେ | ତହସିଲ ଅଫିସ ପାଖରେ ଥିବା ସରକାରୀ ଉଚ୍ଚ ପ୍ରାଥମିକ ବିଦ୍ୟଳୟ ର କୁନି କୁନି ଛାତ୍ର ଛାତ୍ରୀ ମାନେ ମଧ୍ୟ ଏହି ଇଭେଣ୍ଟ ରେ ଯୋଗଦେଇଥିଲେ |
ଚଳିତ ବର୍ଷ 496.2 ହେକ୍ଟର ଜମିରେ ମାଣ୍ଡିଆ ଏବଂ ଅନ୍ୟାନ୍ୟ କ୍ଷୁଦ୍ରଶସ୍ୟ ଚାଷ ଲକ୍ଷ୍ୟ ରଖାଯାଇଛି । ସଘନ ପଦ୍ଧତିରେ ଚାଷ କଲେ ହେକ୍ଟର ପିଛା ପ୍ରଥମ ବର୍ଷ ୧୦ ହଜାର, ଦ୍ୱିତୀୟ ବର୍ଷ ୭ ହଜାର ୫ଶହ, ତୃତୀୟ ବର୍ଷ ୫ ହଜାର, ଚତୁର୍ଥ ବର୍ଷ 3500 ଓ ପଞ୍ଚମ ବର୍ଷ ୨ ହଜାର ଟଙ୍କା ଦିଆଯାଉଛି ବୋଲି ସଚେତନ କରାଯିବ | ଆଗାମୀ ଦିନରେ କିପରି ବହୁଳ ଭାବରେ ବ୍ଲକ ର ଚାଷୀମାନେ ମାଣ୍ଡିଆ ଚାଷ କରିବେ ସେହି ଦିଗରେ ମଧ୍ୟ ସଚେତନତା ବାର୍ତ୍ତା ପ୍ରଦାନ କରାଯିବ |
ଏହି ପରିପେକ୍ଷି ର ଅଗ୍ରଗାମୀ ର CRP ଜୟ ପାତ୍ର, ଟଙ୍କଧର ଝଡ଼ିଆ, ଜଗନ୍ନାଥ ଦିଶାରୀ ଏବଂ କୃପାସିନ୍ଧୁ ଗୌଡ଼ ଉପସ୍ଥିତ ଥିଲେ। ମିଲେଟ ମିଶନ ର ଲକ୍ଷ୍ୟ ହାସଲ ପାଇଁ ସାମୂହିକ ଉଦ୍ୟମ ଆବଶ୍ୟକ ବୋଲି ତହସିଲଦାର ଶ୍ରୀ ଅଶୋକ କୁମାର ମୁଦୁଲି କହିଥିଲେ।
ଗୋବର୍ଦ୍ଧନ ସାହୁ ,ତେନ୍ତୁଳିଖୁଣ୍ଟି
