ନାତିର ଠେଙ୍ଗା ମାଡରେ ଆଇର ମୃତ୍ୟୁ ,ମାଆ ଗୁରୁତର
ପାପଡାହାଣ୍ଡି,9/11, ମନିସ — କ୍ଷଣିକ କଥାରେ ଉତକ୍ଷିପ୍ତ ହୋଇ ନାତିର ଠେଙ୍ଗା ମାଡରେ ଆଇର ମୃତ୍ୟୁ ହୋଇଥିବା ବେଳେ ମା ଗୁରୁତର ଅବସ୍ଥାରେ ମେଡ଼ିକାଲରେ ରହିଛନ୍ତି । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ପାପଡାହାଣ୍ଡି ବ୍ଲକ ତୁମ୍ବର୍ଲା ପଞ୍ଚାୟତ ଅନ୍ତର୍ଗତ ବାବାଜିଗୁଡା ଗ୍ରାମରେ । ଅଭିଯୁକ୍ତ ଅବଦାନ ହରିଜନଙ୍କୁ ପୋଲିସ ଗିରଫ କରିଛି । ସୂଚନା ଅନୁଯାୟୀ ବୁଧବାର ସନ୍ଧ୍ୟା ପ୍ରାୟ ୭ ଟା ବେଳେ ଅଭିଯୁକ୍ତଙ୍କ ମା କନକ ହରିଜନ ଓ ଆଇ ଦୂତି ହରିଜନ ଏକାଠି ବସି କଥା ହେଉଥିଲେ । ହଠାତ ଏକ କୌଣସି କଥାରେ ଉତକ୍ଷିପ୍ତ ହୋଇ ରାଗି ଯାଇ ମା ଓ ଆଇକୁ ଏକ ଠେଙ୍ଗା ସାହାଯ୍ୟରେ ପିଟିବାକୁ ଆରମ୍ଭ କରିଥିଲେ । ଦୂତି ହରିଜନଙ୍କୁ ମୁଣ୍ଡରେ ବହୁତ ଆଘାତ ଲାଗିଥିଲା । ନବରଙ୍ଗପୁର ମୁଖ୍ୟ ଚିକିତ୍ସାଳୟରେ ଚିକିତ୍ସାଧିନ ଅବସ୍ଥାରେ ଦୁତିଙ୍କ ମୃତ ହୋଇଥିଲା । ଏପଟେ କନକଙ୍କ ମୁଣ୍ଡରେ ମଧ୍ୟ ଆଘାତ ଲାଗିଥିବାରୁ ପ୍ରଥମେ ନବରଙ୍ଗପୁର ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । କିନ୍ତୁ ଅଧିକ ଗୁରୁତର ହେବାରୁ କୋରାପୁଟ ମେଡିକାଲକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି । ଖବର ପାଇ ପାପଡାହାଣ୍ଡି ଥାନା ଅଧିକାରୀ ଦୀପକ ଜେନା ଓ ସାଇଣ୍ଟିଫିକ ଟିମ ପହଞ୍ଚି ଅଭିଯୁକ୍ତକୁ ଗିରଫ କରିବା ସହିତ ଅଧିକ ତଦନ୍ତ ଜାରି ରଖିଛନ୍ତି । ପୋଲିସ କେସ ନମ୍ବର 193/23 ରେ ଏକ ମାମଲା ରୁଜୁ କରି ଆସନ୍ତା କାଲି କୋର୍ଟ ସ୍ଥାନାନ୍ତରଣ କରାଯିବ ବୋଲି ପୋଲିସ ସୂଚନା ଦେଇଛି।
ପାପଡାହାଣ୍ଡି ରୁ ସ୍ବପ୍ନ ଜିତ ପଟ୍ଟନାୟକ ଙ୍କ ରିପୋର୍ଟ୍
