ଗଠନ ହେଲା ପଞ୍ଚାୟତ ସ୍ତରୀୟ ଶାଖା କମିଟି
ବାଲେଶ୍ଵର,୧୫/୧୧/୨୩ – ବାଲେଶ୍ଵର ଜିଲ୍ଲା ଖଇରା ସ୍ଥିତ ଆଞ୍ଚଳିକ ବ୍ରାହ୍ମଣ ସମିତି, ଖଇରାର ପଞ୍ଚାୟତ ସ୍ତରୀୟ ଶାଖା କମିଟି ଗଠିତ ହୋଇଯାଇଛି । ଗତକାଲି ଶିଶୁ ଦିବସ ଅବସରରେ ଖଇରା ବ୍ଲକ ବଡଜୟପୁର ପଞ୍ଚାୟତ ବଡ଼ଜୟପୁର ଦଧିବାମନ ଜୀଉ ମନ୍ଦିର ପ୍ରାଙ୍ଗଣରେ ସଭାପତି କୃଷ୍ଣ ଚନ୍ଦ୍ର ପତ୍ରୀଙ୍କ ଅଧ୍ଯକ୍ଷତାରେ ବୈଠକ ଅନୁଷ୍ଠିତ ହୋଇଥିଲା । ବେଦପାଠ କରିଥିଲେ ପଣ୍ଡିତ ବୁଦ୍ଧିରାମ ପାଣିଗ୍ରାହୀ । ସମ୍ପାଦକ ରମାକାନ୍ତ ଶତପଥୀ ପୂର୍ବ ବୈଠକର ବିବରଣୀ ପାଠ କରିଥିଲେ । ପରେ ପରେ ସଭାପତି ଶ୍ରୀ ପତ୍ରୀ ଆଧ୍ୟାତ୍ମିକ ଆଲୋଚନା କରିଥିଲେ । ପ୍ରସ୍ଥାବକ ନୃସିଂହ ପାଢ଼ୀ, ଗୋପିନାଥ କର, ଦୈତାରି ମିଶ୍ର, ଗଜେନ୍ଦ୍ର ପଣ୍ଡା, ଜଗନ୍ନାଥ ପତି ଓ ପଦ୍ମନାଭ ପଣ୍ଡା ଏବଂ ଭାଗବତ ପାଣିଗ୍ରାହୀ, କାର୍ତ୍ତିକ ଚନ୍ଦ୍ର ପଣ୍ଡା, କାର୍ତ୍ତିକ ଚରଣ ପଣ୍ଡା, ନବକିଶୋର ପଣ୍ଡା, କମଳାକାନ୍ତ ପଣ୍ଡା, ସନ୍ତୋଷ କୁମାର ପଣ୍ଡା ଓ ପ୍ରହଲ୍ଲାଦ ଶତପଥୀଙ୍କ ସମର୍ଥନ କ୍ରମେ ସଭାପତି ପଦ୍ମନାଭ ପଣ୍ଡା, ଉପସଭାପତି ଗଜେନ୍ଦ୍ର ପଣ୍ଡା ଓ ନବକିଶୋର ପଣ୍ଡା, ସମ୍ପାଦକ ଅର୍ଜୁନ ଚରଣ ପଣ୍ଡା, ସହସମ୍ପାଦକ ଅକ୍ଷୟ କୁମାର ପଣ୍ଡା, କୋଷାଧ୍ୟକ୍ଷ ବୃନ୍ଦାବନ ଦାଶ, ସହ କୋଷାଧ୍ୟକ୍ଷ ନୃସିଂହ ପାଢ଼ୀ ପଦବୀ ପାଇବାରେ ସକ୍ଷମ ହୋଇଥିଲେ । ଗୋପିନାଥ କର, ଜଗନ୍ନାଥ ପତି, ଦୈତାରି ମିଶ୍ର ଓ କମଳାକାନ୍ତ ପଣ୍ଡା ସଦସ୍ୟ ଭାବେ ମନୋନୀତ ହୋଇଥିଲେ । ପଞ୍ଚାୟତର ସମସ୍ତ ବ୍ରାହ୍ମଣ ଦେବତା, ପଡୋଶୀ ପଞ୍ଚାୟତ ଯଥା- ଗରସଙ୍ଗ, ଡୁଙ୍ଗୁରା ଓ ଅନ୍ତରା ପଞ୍ଚାୟତର ସମସ୍ତ ପ୍ରତିନିଧି ଏବଂ ବ୍ଲକ କର୍ମକର୍ତ୍ତା ବୁଦ୍ଧିରାମ ପାଣିଗ୍ରାହୀ, ରମାକାନ୍ତ ଶତପଥୀ, ଗଗନ ବିହାରୀ ପଣ୍ଡା, ରାମଚନ୍ଦ୍ର ପଣ୍ଡା, କୃଷ୍ଣ ଚନ୍ଦ୍ର ଦାଶ ଓ ମହେଶ୍ବର ପଣ୍ଡା ପର୍ଯ୍ଯବେକ୍ଷଣ ଭାବେ ଯୋଗ ଦେଇଥିଲେ ବୈଠକକୁ ପରିଚାଳନା କରିଥିଲେ । ପରିଶେଷରେ ସଭାପତି କର୍ମକର୍ତ୍ତାଙ୍କର କର୍ତ୍ତବ୍ୟ ଓ ଦାୟିତ୍ୱବୋଧ ବିଷୟରେ ସୂଚନା ଦେଇଥିଲେ । ଶେଷରେ ଧନ୍ୟବାଦ ଅର୍ପଣ ପରେ ସଭାପତି ବୈଠକ ଶେଷ ହେଲା ବୋଲି ଘୋଷଣା କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
