ଶିକ୍ଷା ଏକ ବ୍ୟାପକ ପରିଭାଷା, ଶିକ୍ଷା ମଣିଷ ଜୀବନରେ ଶ୍ରେଷ୍ଠ ଆବିଷ୍କାର –ରନ୍ଧାରି
ଜିଲ୍ଲା ସ୍ତରୀୟ ସର୍ଗିଫୁଲରେ 2ୟ ରଜନୀ ଅନୁଷ୍ଠିତ
ପାପଡାହାଣ୍ଡି,16/11, ମନିସ —- ନବରଙ୍ଗପୁର ଜିଲ୍ଲା ମଙ୍ଗଳ ବିଭାଗ ତରଫରୁ ପାପଡାହାଣ୍ଡି ବ୍ଲକ ଦଳେଇଗୁଡା ସରକାରି ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଜିଲ୍ଲା ସ୍ତରୀୟ ଶିଶୁ ମହୋତ୍ସବ ସର୍ଗିଫୁଲ କାର୍ଯ୍ୟକ୍ରମର 2ୟ ରଜନୀ 
ଅନୁଷ୍ଠିତ ହୋଇଯାଇଛି । ଜିଲ୍ଲା ମଙ୍ଗଳ ଅଧିକାରୀ ତଥା ସର୍ଗୀ ଫୁଲ କମିଟିର ଅଧକ୍ଷ ପାଲକା ରବୀନ୍ଦ୍ରଙ୍କ ସଭାପତିତ୍ୱରେ ମୂଖ୍ୟ ଅତିଥି ଭାବେ ସାଂସଦ ରମେଶ ମାଝୀ ଯୋଗଦେଇ ନିଜ ନିଜ ଭିତରେ ମିଶିବା ଓ ପ୍ରତିଭା ଦେଖାଇବାରେ ମାଧ୍ୟମ ହେଉଛି ସର୍ଗିଫୁଲ ବୋଲି କହିଥିଲେ | ରାଜ୍ୟ ସରକାର ଏଥି ଲାଗି ବହୁତ ଯୋଜନା 
କରିଛନ୍ତି | କେବଳ ସାଂସ୍କୃତିକ କାର୍ଯ୍ୟକ୍ରମରେ ସୀମିତ ନ ରଖି ଆଦିବାସୀ ଜନ ଜାତି ଛାତ୍ରୀ ଛାତ୍ରଙ୍କ ର ପ୍ରତିଭାକୁ ଉନ୍ମୋଚନ କରଯାଉଛି | ସମ୍ମାନିତ ଅତିଥି ଭାବେ ଡାବୁଗାଁ ବିଧାୟକ ମନୋହର ରନ୍ଧାରି ଯୋଗଦେଇ ଶିକ୍ଷା ଏକ ବ୍ୟାପକ ପରିଭାଷା , ଶିକ୍ଷା ମଣିଷ ଜୀବନର ଶ୍ରେଷ୍ଠ ଆବିଷ୍କାର ବୋଲି କହିବା ସହ ମୁଖ୍ୟମନ୍ତ୍ରୀ ଏଥି ଲାଗି ପଢିବା ଗଢିବା ଓ ଶ୍ରେଷ୍ଠ ହେବା ଲାଗି ମନ୍ତ୍ର କହୁଥିବା କହିଥିଲେ | ନିଜେ କରିପାରିବାର ବିଶ୍ୱାସ ରଖିଲେ ଜଣେ 
ଭଲ ମଣିଷ ହୋଇପାରିବ | ଯଦି ମଙ୍ଗଳ ବିଭାଗରେ ବିଜ୍ଞାନରେ ଅଧ୍ୟୟନ ରତ 10ଗୋଟି ବ୍ଲକର ଜଣେ ଜଣେ ମେଧାବୀ ଛାତ୍ରୀ ଛାତ୍ର ଦେଲେ ତାଙ୍କୁ ସେ ମାଗଣାରେ ଉଡ଼ାଜାହାଜ ଉଢାଇବା ତାଲିମ ଖର୍ଚ୍ଚ ବହନ କରିବେ ବୋଲି କହିଥିଲେ | ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡ ଯୋଗଦେଇ ଛାତ୍ରୀ ଛାତ୍ରଙ୍କ ସୁଯୋଗରେ ଏକ ମାଧ୍ୟମ ଶିଶୁ ମହୋତ୍ସବ, ପ୍ରତିଯୋଗିତା ରେ ଅସଫଳ ହେଲେ ବି ଅଗାମି ଦିନରେ ସଫଳ ହେବା ଲାଗି ପ୍ରୟାସ କର ବୋଲି କହିଥିଲେ | ଅନ୍ୟ ଅତିଥି ଭାବେ ଅଧକ୍ଷା ହେମଲତା ମାଝୀ, ଅତିରିକ୍ତ ମଙ୍ଗଳ ଅଧିକାରୀ ଶରତ ଚନ୍ଦ୍ର ସାହୁ, ପୂର୍ବତନ ପଣ୍ଡିକୋଟ ସରପଞ୍ଚ ଶିବ ପ୍ରସାଦ ଅଗ୍ରୱାଲ ପ୍ରମୁଖ ଯୋଗଦେଇଥିଲେ | ଅତିଥି ମାନେ ଉପସ୍ଥିତ ଛାତ୍ରୀ ଛାତ୍ର ମାନଙ୍କୁ ସର୍ଗି ଫୁଲରେ ମୋହତ୍ୱ ନେଇ କହିଥଲେ | କାର୍ଯ୍ୟକ୍ରମ ମାଧ୍ୟମରେ ନିଜ ନିଜରେ ପ୍ରତିଭା ଦେଖାଇବା ଲାଗି ପରାମର୍ଶ ଦେଇଥିଲେ | କରିବାର ଯଦି ଆଗ୍ରହ ଅଛି ତାହା ହେଲେ ତୂମକୁ କେହି ରଖି ପରିବେ ନାହିଁ ବୋଲି କହିବା ସହ ଇଚ୍ଛା ଶକ୍ତି ଥିଲେ ସବୁ ସମ୍ଭବ ବୋଲି କହିଥିଲେ | ଏହି ଅଵସରରେ ମଞ୍ଚରେ ପ୍ରଧାନ ଶିକ୍ଷକ ଓ ଶିକ୍ଷୟତ୍ରୀ ମାନେ ଉପସ୍ଥିତ ଥିଲେ | ଜିଲ୍ଲାର 26 ଜନ ଅଵସର ପ୍ରାପ୍ତ ଶିକ୍ଷୟତ୍ରୀ ଶିକ୍ଷକଙ୍କୁ ଅତିଥି ମାନେ ଉପ ଢ଼ୋକନ ଦେଇ ସମ୍ମାନିତ କରିଥିଲେ ଶେଷରେ ସାଂସ୍କୃତିକ କାର୍ଯ୍ୟକ୍ରମରେ ଛାତ୍ରୀ ଛାତ୍ର ଭାଗ ନେଇଥିଲେ |
ପାପଡାହାଣ୍ଡି ରୁ ସ୍ବପ୍ନ ଜିତ ପଟ୍ଟନାୟକ ଙ୍କ ରିପୋର୍ଟ୍
