ଧର୍ମଗଡ଼: ବ୍ଲକ ସ୍ତରୀୟ ଅନ୍ତର୍ଜାତୀୟ ଭିନ୍ନକ୍ଷମ ଦିବସ ପାଳନ
ଧର୍ମଗଡ଼ ବ୍ଲକ ର ଗୋଷ୍ଠୀ ସାଧନ କେନ୍ଦ୍ର, କାଶୀବାହାଲ ଠାରେ ବ୍ଲକ ସ୍ତରୀୟ ଅନ୍ତର୍ଜାତୀୟ ଭିନ୍ନକ୍ଷମ ଦିବସ ପାଳନ ହୋଇ ଯାଇଛି l କାର୍ଯ୍ୟକ୍ରମଟି ମୁଖ୍ୟ ଅତିଥି ବ୍ଲକ ଅଧ୍ୟକ୍ଷା ବବିତା ପଟଯୋଶୀଙ୍କ ଦ୍ୱାରା ଉଦଘାଟିତ ହୋଇଥିବାବେଳେ ଉଦଯାପନୀ ସମାରୋହରେ ସହକାରୀ ଜିଲ୍ଲାପାଳ ଅଜିତ କୁମାର ଶବର ଉପସ୍ଥିତ ରହି ସମସ୍ତଙ୍କୁ ପାଠ ପଢି ସମାଜର ମୁଖ୍ୟ ସ୍ରୋତରେ ସାମିଲ ହେବାର 
ମାର୍ଗଦର୍ଶନ କରାଇଥିଲେ l ଉଭୟ ଉଦ୍ଘାଟନୀ ଓ ଉଦଯାପନୀ ସମାରୋହରେ ସମ୍ମାନିତ ଅତିଥି ଭାବରେ ବି ଆର ସି ସି ଅରୂପାନନ୍ଦ ଭୋଇ,କାଶୀବାହାଲ ସି ଆର ସି ସି ରାଜେନ୍ଦ୍ର ଦୁରିଆ ଓ ବ୍ରାହ୍ମଣ ଛେଣ୍ଡିଆ ସି ଆର ସି ସି ଟିକେଶ୍ୱର ନାଏକ, ବରିଷ୍ଠ ଶିକ୍ଷକ ଭରତବନ୍ଧୁ ସୁନାନୀ ଉପସ୍ଥିତ ରହି ସହଯୋଗ କରିଥିଲେ I ଏହି କାର୍ଯ୍ୟକ୍ରମ ରେ ବ୍ଲକର କୋଣ ଅନୁକୋଣରୁ ସମସ୍ତ ପ୍ରାଥମିକ, ମାଧ୍ୟମିକ ଓ ଉଚ୍ଚ ମାଧ୍ୟମିକ ବିଦ୍ୟାଳୟର ଦିବ୍ୟାଙ୍ଗ ଛାତ୍ର ଛାତ୍ରୀ ଓ ତାଙ୍କର ଅଭିଭାବକ ଆରମ୍ଭରୁ ଶେଷ ପର୍ଯ୍ୟନ୍ତ ଉପସ୍ଥିତ ରହି ଉତ୍ସବର ଆନନ୍ଦ ନେଇଥିଲେ I ଏଥିରେ ନୃତ୍ୟ, ଚିତ୍ରାଙ୍କନ, ସଂଗୀତ, ମ୍ୟୁଜିକ ଚେୟାର ପ୍ରତିଯୋଗିତା ଅନୁଷ୍ଠିତ କରି କୃତି ପ୍ରତିଯୋଗୀକୁ ପୁରସ୍କୃତ କରାଯାଇଥିଲା I ଉପସ୍ଥିତ ସମସ୍ତ ଛାତ୍ର ଛାତ୍ରୀଙ୍କୁ ମଧ୍ୟ ସାନ୍ତ୍ୱନା ମୂଳକ ପୁରସ୍କାର ଦିଆଗଲା I ଏହିସବୁ କାର୍ଯ୍ୟକ୍ରମ କୁ ବି ଆର ଟି ଆଶିଷ କୁମାର ସଡ଼ଙ୍ଗୀ ଓ ଗଣେଶ ମେହେର ପରିଚାଳନା କରିଥିବାବେଳେ ସମସ୍ତ ଆଇ ଇ ସ୍ବେଛାସେବୀ ମାନେ ସହଯୋଗ କରିଥିଲେ I
ବିଦ୍ୟାଧର ସାହୁଙ୍କ ରିପୋର୍ଟ….
