ଅନୁଷ୍ଠିତ ହେଲା ବିଦ୍ୟାଳୟ ସ୍ତରୀୟ ବିଜ୍ଞାନ ମେଳା
ବାଲେଶ୍ଵର,୧୩/୧୨/୨୩- ବାଲେଶ୍ଵର ଜିଲ୍ଲା ଖଇରା ବ୍ଲକ୍ ଗରସଙ୍ଗ ସ୍ଥିତ ବିବେକାନନ୍ଦ ଆଦର୍ଶ ଶିକ୍ଷା କେନ୍ଦ୍ର ପରିସରରେ ବିଦ୍ୟାଳୟ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ଜମ୍ବେଶ୍ବର ଉଚ୍ଚ ମାଧ୍ୟମିକ ବିଦ୍ୟାଳୟର ଗଣିତ ଅଧ୍ଯାପକ ମନୀନ୍ଦ୍ର କୁମାର ଦୀକ୍ଷିତ ଓ ଶିକ୍ଷାବିତ୍ କୃଷ୍ଣ ଚନ୍ଦ୍ର ଖିଲାର ବିଜ୍ଞାନ ମେଳାକୁ ଉଦଘାଟନ କରିଥିଲେ । ଶିକ୍ଷାବିତ୍ ଶିବ ପ୍ରସାଦ ବଳଙ୍କ ଅଧ୍ଯକ୍ଷତାରେ ଆୟୋଜିତ ସଭାରେ ଅତିଥି ଭାବେ ମଦନମୋହନ ଜେନା, ପ୍ରଫୁଲ୍ଲ କୁମାର ଦାସ, କାହ୍ନୁ ଚରଣ ଜେନା, ଦିବ୍ୟସିଂହ ତ୍ରିପାଠୀ ଓ ଦିବାକର ଜେନା ଯୋଗଦେଇ ଥିଲେ । ବରିଷ୍ଠ ଗୁରୁଜୀ ହରେନ୍ଦ୍ର ଖିଲାର ସ୍ବାଗତ ଭାଷଣ ପ୍ରଦାନ କରିଥିଲେ । ବିଜ୍ଞାନ ମେଳାରେ ମୋଟ ୨୫ଟି ପ୍ରକଳ୍ପ ପ୍ରଦର୍ଶିତ ହୋଇଥିଲା । ଦେବେନ୍ଦ୍ର କୁମାର ବାରିକ୍ ଓ ଉଗ୍ରସେନ ନାୟକ ପ୍ରକଳ୍ପ ଗୁଡିକର ମୂଲ୍ୟାୟନ କରିଥିଲେ । ପ୍ରମୋଦ ଘୋଷ ଓ ସାଇକ୍ରିଷ୍ଣା ମହାପାତ୍ର ଯଥାକ୍ରମେ ସିନିୟର ଓ ଜୁନିୟର ବିଭାଗରେ ପ୍ରଥମ ସ୍ଥାନ ଅଧିକାର କରିଥିଲେ । ଉକ୍ତ କାର୍ଯ୍ୟକ୍ରମରେ ସମସ୍ତ ଗୁରୁଜୀ ଓ ଗୁରୁମା ପୂର୍ଣ୍ଣ ସହଯୋଗ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
