ରାଇରଙ୍ଗପୁର ପାଇଁ ଗୌରବ ଆଣିଲେ ଦୁଇ ଏନସିସି କ୍ୟାଡେଟ
ଦିଲ୍ଲୀ ସାଧାରଣତନ୍ତ୍ର ଦିବସ ପ୍ୟାରେଡ ରେ ଭାଗ ନେବେ ରାଇରଙ୍ଗପୁର ମହାବିଦ୍ୟାଳୟର ଦୁଇ ଏନସିସି ଛାତ୍ରଛାତ୍ରୀ
ମୟୂରଭଞ୍ଜ ୧୯ /୧ ( ମସିହା): ପ୍ରତିଭା ଏବଂ ଦକ୍ଷତା ଥିଲେ ସଫଳତା ଆପେ ଆପେ ପାଦ ଛୁଏଁ l ନିଜର କଠିନ ପରିଶ୍ରମ ଆଉ ଗୁରୁଜଣଙ୍କ ଆଶୀର୍ବାଦ ରହିଲେ ନିଶ୍ଚୟ ଜଣେ ନିଜର ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିବ l ଯାହାକୁ ପ୍ରମାଣ କରି ଦେଖାଇଛନ୍ତି ମୟୁରଭଞ୍ଜ ଜିଲ୍ଲା ରାଇରଙ୍ଗପୁର ମହାବିଦ୍ୟାଳୟର ୨ ଏନସିସି କ୍ୟାଡେଟ l ଆସନ୍ତା ଜାନୁଆରୀ ୨୬ ରେ ନୂଆଦିଲ୍ଲୀରେ ଆୟୋଜିତ ହେବାକୁ ଥିବା ଜାତୀୟ ସ୍ତର ସାଧାରଣତନ୍ତ୍ର ଦିବସ ପ୍ୟାରେଡ ରେ ରାଇରଙ୍ଗପୁର ମହାବିଦ୍ୟାଳୟର ୨ ଏନସିସି କ୍ୟାଡେଟ ଯୋଗ ଦେବାକୁ ମନୋନୀତ ହୋଇଛନ୍ତି l ଏହା ମୟୁରଭଞ୍ଜ ଜିଲ୍ଲା ପାଇଁ ଗର୍ବ ର ବିଷୟ ବୋଲି ରାଇରଙ୍ଗପୁର ମହାବିଦ୍ୟାଳୟ ପକ୍ଷରୁ କୁହାଯାଇଛି l ଓଡିଶା ରୁ ମୋଟ ୧୨୨ ଜଣ ସମର ଶିକ୍ଷାର୍ଥୀ ବାହିନୀ (ଏନସିସି ) କ୍ୟାଡେଟ୍ସ ଜାତୀୟ ସ୍ତରୀୟ ସାଧାରଣତନ୍ତ୍ର ଦିବସ ପ୍ୟାରେଡରେ ଭାଗ ନେବାକୁ ଚୟନ ହୋଇଛନ୍ତି l ସେଥି ମଧ୍ୟରୁ ରାଇରଙ୍ଗପୁର ମହାବିଦ୍ୟାଳୟର ଯୁକ୍ତ ୩ ଦ୍ୱିତୀୟ ବର୍ଷ ରାଜନୀତି ବିଜ୍ଞାନ ବିଭାଗର ଛାତ୍ରୀ କ୍ୟାଡେଟ – ସୁଭଦ୍ରା ମହାନ୍ତ ଅଲ ଇଣ୍ଡିଆ କର୍ତ୍ତବ୍ୟ ପଥ କଣ୍ଟିଜେଣ୍ଟ ରେ ଚୟନ ହୋଇଛନ୍ତି ଏବଂ ଚଳିତ ବର୍ଷ ଜାନୁଆରୀ ୨୬ ରେ ଦିଲ୍ଲୀର କର୍ତ୍ତଵ୍ୟପଥରେ ସାଧାରଣତନ୍ତ୍ର ଦିବସ ପ୍ୟାରେଡରେ ଅଂଶ ଗ୍ରହଣ କରିବେ l ସେହିପରି ଯୁକ୍ତ ୩ ତୃତୀୟ ବର୍ଷ ବାଣିଜ୍ୟ ବିଭାଗର ଛାତ୍ର ସିନିଅର ଆଣ୍ଡାର ଅଫିସର -ପ୍ରତୀକ ମହାନ୍ତ ଆସନ୍ତା ୨୭ ରେ ହେବାକୁ ଥିବା ପ୍ରଧାନମନ୍ତ୍ରୀଙ୍କ ଶୋଭାଯାତ୍ରା ପ୍ୟାରେଡରେ ଅଂଶ ଗ୍ରହଣ କରିବେ ବୋଲି ଜଣା ପଡିଛି l କ୍ୟାଡେଟେସ ମାନେ ପ୍ରଥମେ ବାଟାଲିୟନ ସ୍ତରରୁ ଚୟନ ହୋଇ ଗ୍ରୁପରେ ଚୟନ ହୋଇଥଲେ l ପରବର୍ତ୍ତୀ ପଯୟରେ ସେମାନଙ୍କର ପ୍ରଶିକ୍ଷଣ ଭୁବନେଶ୍ୱରର ସି. ଅର. ପି. ଏଫ କ୍ୟାମ୍ପସ ଠାରେ ପ୍ରଶିକ୍ଷକମାନେ ସେମାନଙ୍କୁ ଡ୍ରିଲର ତାଲିମ ଦେଉଥିଲେ l କ୍ୟାଡେଟ୍ସ ମାନେ ନିଷ୍ଠାର ସହିତ କଠିନ ପରିଶ୍ରମ କରି ଓଡିଶା ନିର୍ଦ୍ଧେଶାଳୟରୁ ଚୟନ ହୋଇ ଚଳିତ ଏନସିସି ଗଣତନ୍ତ୍ର ଦିବସ କ୍ୟାମ୍ପ (ଆରଡିସି-୨0୨୪) ଦିଲ୍ଲୀ ଅଭିମୁଖେ ଯାତ୍ରା କରିଛନ୍ତି l କ୍ୟାଡେଟ ମାନଙ୍କର ସଫଳତା ପାଇଁ ୧୪ ଓଡିଶା ବାଟାଲିୟନ ଏନସିସି କେନ୍ଦୁଝରର କମାଣ୍ଡିଂ ଅଫିସର କର୍ଣ୍ଣଲ ଏମ ଚନ୍ଦ୍ରଶେଖର ରାଓ ଏବଂ ବାଟାଲିୟନର ସମସ୍ତ କର୍ମଚାରୀ ସେମାନଙ୍କୁ ଅଭିନନ୍ଦନ ଜଣାଇଛନ୍ତି l ସେମାନଙ୍କର ସଫଳତା ପାଇଁ ରାଇରଙ୍ଗପୁର ମହାବିଦ୍ୟାଳୟର ଅଧ୍ୟକ୍ଷ ଶୀଯୁକ୍ତ ତ୍ରିଲୋଚନ ଚକ୍ର, ଏନସିସି ଅଧିକାରୀ ଲେଫ୍ଟେନାଣ୍ଟ ଚନ୍ଦ୍ରକାନ୍ତ ମହାନ୍ତ ଓ ଅଧ୍ୟାପକ ଅଧ୍ୟାପିକା ତଥା କର୍ମଚାରୀ ମାନଙ୍କ ପ୍ରେରଣାର ଉତ୍ସ ବୋଲି କହିଛନ୍ତି l ମହାବିଦ୍ୟାଳୟର ଅନ୍ୟ ସମସ୍ତ ଏନସିସି ସାଥି କ୍ୟାଡେଟ୍ସ ଓ ଛାତ୍ର ଛାତ୍ରୀଙ୍କ ପକ୍ଷରୁ ଶୁଭେଚ୍ଛା ଜ୍ଞାପନ କରାଯାଇଛି l