ସନ ସାଇନ୍ ଇଂଲିଶ ମିଡିୟମ ସ୍କୁଲର ୨୩ ତମ ବାର୍ଷିକୋତ୍ସବ ଧୂମଧାମରେ ପାଳିତ
ମୟୂରଭଞ୍ଜ – ୩/୦୨ ( ମସିହା) ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ସହରରେ ୨୦୦୧ ମସିହାରେ ସ୍ଥାପିତ ଇଂଲିଶ ମିଡିୟମ ସନ ସାଇନ ସ୍କୁଲ ର ୨୩ ତମ ବାର୍ଷିକ ଉତ୍ସବ ଆଜି ଶନିବାର ଦିନ ଧୂମଧାମରେ ଅନୁଷ୍ଠିତ ହୋଇଯାଇଛି ।ଏହି ଉତ୍ସବରେ ରାଇରଙ୍ଗପୁର ମୁଖ୍ୟ ଅତିଥି ଭାବେ ରାଇରଙ୍ଗପୁର ଗୋଷ୍ଠୀ ଶିକ୍ଷା ଅଧିକାରୀ ଭାଗ୍ୟବତୀ ମହାନ୍ତି,ଏବିଇଓ କାର୍ତ୍ତିକ ଚନ୍ଦ୍ର କାରୁଆ,ଏବିଇଓ ହେମ ମାଝୀ ପ୍ରମୁଖ ଯୋଗ ଦେଇ ପ୍ରଦୀପ, ପ୍ରତିଷ୍ଠାତା ଶିକ୍ଷାବିତ୍ ତପନ କୁମାର ଲେଙ୍କା ପ୍ରଦୀପ ପ୍ରଜ୍ବଳନ କରି ଶୁଭାରମ୍ଭ କରିଥିଲେ ।ଅତିଥିଗଣ ମୟୂରଭଞ୍ଜ ଜିଲ୍ଲାର ବଣଜଙ୍ଗଲ ,ନଦୀ ନାଳ ଘେରା ପଛୁଆ ଆଦିବାସୀ ଅଧ୍ୟୁଷିତ ଅଂଚଳରେ ଘରୋଇ ସିବିଏସଇ ଇଂଲିଶ ମିଡିୟମ ସ୍କୁଲ ସ୍ଥାପନା କରି ଶିକ୍ଷା ବିକାଶ ପାଇଁ ପ୍ରଚେଷ୍ଟା କରିଥିବା ପ୍ରତିଷ୍ଠାତା ତପନ ଲେଙ୍କାଙ୍କ ଧନ୍ୟବାଦ ଓ କୃତଜ୍ଞତା ଜଣାଇଥିଲେ । ଏହି ଶିକ୍ଷା ଅନୁଷ୍ଠାନରୁ ବହୁ ମେଧାବୀ ଛାତ୍ରଛାତ୍ରୀ ଆନ୍ତର୍ଜାତୀୟ,ଜାତୀୟ,ଓଡ଼ିଶାର ବହୁ ଉଚ୍ଚ ସ୍ଥାନରେ ଅଧିଷ୍ଠିତ ହୋଇ ନିଜର ଦକ୍ଷତା ପରାକାଷ୍ଠା କରି ପାରିଛନ୍ତି ।ତଦସ଼ହ ଅତିଥି ଗଣ ବିଦ୍ୟାର୍ଥୀ ମାନଙ୍କୁ ପାଠ,ଖେଳ,କୁଦ, ନୃତ୍ୟ ସବୁଥିରେ ପରାକାଷ୍ଠା ଦେଖାଇବା ପାଇଁ ପରାମର୍ଶ ଦେଇଥିଲେ ।ଆଜିକାଲି ସବୁଥିରେ ନିଯୁକ୍ତିର ସୁଯୋଗ ଅଛି । ଅଭିଭାବକ ଏବଂ ଶିକ୍ଷକମାନେ ଛାତ୍ରଛାତ୍ରୀମାନଙ୍କୁ ପ୍ରେରଣା, ସ୍ବପ୍ନ ଦେଖାଇଲେ ସେମାନେ ଆଗକୁ ମାଡି ଚାଲିଲେ । କଠିନ ପରିଶ୍ରମ, ଅଧ୍ୟବସାୟ ଫଳ ନିଶ୍ଚିତ ମିଳିବ ।ପରେ ଅତିଥି ଗଣ ବାର୍ଷିକ ଉତ୍ସବ ଅବସରରେ ହୋଇଥିବା ବିଭିନ୍ନ ପ୍ରତିଯୋଗିତାରେ କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରିଥିଲେ ।ପରେ ଛାତ୍ରଛାତ୍ରୀମାନଙ୍କ ଦ୍ଵାରା ବହୁ ଚିତ୍ତାକର୍ଷକ ନୃତ୍ୟ ପରିବେଷଣ କରାଯାଇଥିଲା । କାର୍ଯ୍ୟକ୍ରମକୁ ଡଲି ମିସଙ୍କ ସମେତ ଅନ୍ୟ ଶିକ୍ଷକ, ଶିକ୍ଷୟତ୍ରୀ ପରିଚାଳନା ରେ ସହଯୋଗ କରିଥିଲେ ।