ଆଞ୍ଚଳିକ ବ୍ରାହ୍ମଣ ସମିତିର ୧୮୫ତହ ଅଧିବେଶନ ଅନୁଷ୍ଠିତ
୧୪/୦୨/୨୪- ନିକଟରେ ଆଞ୍ଚଳିକ ବ୍ରାହ୍ମଣ ସମିତି, ଖଇରା, ବାଲେଶ୍ଵରର ୧୮୫ତମ ଅଧିବେଶନ ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ଗରସଙ୍ଗ ସ୍ଥିତ ଅନନ୍ତ ଉପାଧ୍ୟାୟଙ୍କ ବାସଭବନ ପରିସରରେ ଏକ ସଭା ଅନୁଷ୍ଠିତ ହୋଇଥିଲା । ସଭାପତିତ୍ବ କରିଥିଲେ ପଣ୍ଡିତ କୃଷ୍ଣ ଚନ୍ଦ୍ର ପତ୍ରୀ । ସମ୍ପାଦକ ପଣ୍ଡିତ ରମାକାନ୍ତ ଶତପଥୀ ସମ୍ପାଦକୀୟ ବିବରଣୀ ପାଠ ସହିତ ସମିତିର ଉଦ୍ଦେଶ୍ୟ ଓ ପଞ୍ଚାୟତ ସ୍ତରୀୟ କମିଟି ଗଠନ ଏବଂ ବ୍ରହ୍ମ ଶକ୍ତି ଉପରେ ଆଲୋଚନା କରିଥିଲେ । କାର୍ଯ୍ୟକାରୀ ସଭାପତି ବୁଦ୍ଧିରାମ ପାଣିଗ୍ରାହୀ ବ୍ରାହ୍ମଣ ଜାତିର ଧ୍ଯେୟ ସମାଜକୁ ଦିଗଦର୍ଶନ ଦେବା ସହ ସମାଜ ସୁରକ୍ଷିତ ବିଷୟରେ ବକ୍ତବ୍ୟ ପ୍ରଦାନ କରିଥିଲେ । ଆବାହକ ଭାବେ ସ୍ବାଗତ କରିବା ସହ ୨୦୧୮ ମସିହାରେ ଗଠିତ କମିଟିର ନିଷ୍କ୍ରିୟତା ସହ ନୂତନ କମିଟି ଗଠନର ପ୍ରସ୍ତାବ ଦେଇଥିଲେ । ମାଣତ୍ରୀ ପଞ୍ଚାୟତ ସଭାପତି ତପନ କୁମାର ତ୍ରିପାଠୀ ବୋହି ଯାଉଥିବା ପାଣିକୁ ବୋହି ନ ଯିବାକ ଏକ ଦୃଢ ବନ୍ଧ ବାନ୍ଧି ସଂଗଠନକୁ ସୁଦୃଢ କରିବା ସଙ୍ଗେ ସଙ୍ଗେ ରାଜ୍ୟ ଓ ଜିଲ୍ଲାରେ ପଞ୍ଜିକରଣ କରିବା କହିଥିଲେ । ପରେ ପରେ ସମର୍ଥନ ପ୍ରସଙ୍ଗ କ୍ରମେ ବିଭିନ୍ନ ପଦବୀଧାରୀଙ୍କୁ ଚୟନ କରାଯାଇଥିଲା । ସଭାପତି ମାୟାଧର ପାଣିଗ୍ରାହୀ, ଉପସଭାପତି ଦିନେଶ ଚନ୍ଦ୍ର ପଣ୍ଡା ଓ ବଂଶୀଧର ପଣ୍ଡା, ସମ୍ପାଦକ ଅନନ୍ତ ଉପାଧ୍ୟାୟ, ସହସମ୍ପାଦକ ଅନନ୍ତ କିଶୋର ପଣ୍ଡା, ଯୁଗ୍ମ ସଙ୍ଗଠକ ଗୌରାଙ୍ଗ ଚନ୍ଦ୍ର ପଣ୍ଡା,କୋଷାଧ୍ୟକ୍ଷ ପର୍ଶୁରାମ ବହଳୀ ଓ କାର୍ଯ୍ୟକାରୀ ସଦସ୍ୟ ଭାବେ ଲମ୍ବୋଦର ପଣ୍ଡା,ମହେନ୍ଦ୍ର ପଣ୍ଡା, ପର୍ଶୁରାମ ପଣ୍ଡା, ଲକ୍ଷ୍ମୀ ପାଣିଗ୍ରାହୀ ଓ ମହେଶ୍ବର ସାହୁଙ୍କୁ ମନୋନୀତ କରାଯାଇଥିଲା । ସେହିପରି ଉପଦେଷ୍ଟା ଭାବେ ଚୈତନ୍ୟ ପାଣିଗ୍ରାହୀ ବାସୁଦେବ ପାଣିଗ୍ରାହୀ ଓ ବିଜୟ କୁମାର ପାଣିଗ୍ରାହୀ ନିର୍ବାଚିତ ହେଇଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
