ରାଷ୍ଟ୍ରପତିଙ୍କ ବ୍ୟକ୍ତିଗତ ସହାୟକଙ୍କ ପିତା ପ୍ରାକ୍ତନ ଶିକ୍ଷକ କରମଚାନ୍ଦ ମହାନ୍ତଙ୍କ ଦେହାନ୍ତ
ମୟୂରଭଞ୍ଜ -୨୦/୦୨ ( ମସିହା) ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁଙ୍କ ବ୍ୟକ୍ତିଗତ ସହାୟକ ସୁରଥ କୁମାର ମହାନ୍ତଙ୍କ ପିତା କରମଚାନ୍ଦ ମହାନ୍ତ(୭୮)ଙ୍କ ରାଇରଙ୍ଗପୁର ବ୍ଲକ ଅନ୍ତର୍ଗତ ସାନପାଖନା ଗ୍ରାମରେ ଦେହାନ୍ତ ହୋଇଯାଇଛି। ୧୯୪୬ ରେ ଜନ୍ମିତ କରମଚାନ୍ଦ ମହାନ୍ତ ଶିକ୍ଷକତା କରୁଥିଲେ । ୨୦୦୪ ମସିହାରେ ଚାପଲ ଉଚ୍ଚ ପ୍ରାଥମିକ ବିଦ୍ୟାଳୟରୁ ଅବସର ନେଇଥିଲେ। ସେ ଜଣେ ଛାତ୍ରବତ୍ସଳ ଶିକ୍ଷକ, ମିଷ୍ଟଭାଷୀ, ପରୋପକାରୀ, ଧର୍ମପରାୟଣ ବ୍ୟକ୍ତି ଥିଲେ I ତାଙ୍କ ପରଲୋକ ଖବର ପାଇ ନୂଆଦିଲ୍ଲୀରୁ ସୁରଥ କୁମାର ମହାନ୍ତ, ସୁବ୍ରତ କୁମାର ମହାନ୍ତ ଏବଂ ବନାରସରେ କାର୍ଯ୍ୟରତ ବଡ଼ଭାଇ ରବୀନ୍ଦ୍ର କୁମାର ମହାନ୍ତ ଗ୍ରାମକୁ ପହଂଚିଛନ୍ତି । ମଝିଆ ପୁଅ ନିରତ ମହାନ୍ତ ସାନପାଖନା ଗ୍ରାମରେ ରୁହନ୍ତି । ପୁତ୍ର, ପୁତ୍ରବଧୂ, ନାତିନାତୁଣୀ, ଆତ୍ମୀୟସ୍ବଜନ ତଥା ଶୁଭେଚ୍ଛୁଙ୍କ ଉପସ୍ଥିତିରେ ସାନପାଖନା ଗ୍ରାମସ୍ଥ ଶ୍ମଶାନରେ ଅନ୍ତେଷ୍ଟି କ୍ରିୟା ହୋଇଛି। ତାଙ୍କ ବିୟୋଗରେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଶୋକ ପ୍ରକାଶ କରିଛନ୍ତି । ବିୟୋଗରେ ରାଇରଙ୍ଗପୁର ଅଞ୍ଚଳରେ ଶୋକର ଛାୟା ଖେଳିଯାଇଛି।
ମୟୂରଭଞ୍ଜ ରୁ ଅକ୍ଷୟ ବିଶ୍ଵାଳ ଙ୍କ ରିପୋର୍ଟ୍
