ପୁଲୱାମା ସହୀଦଙ୍କୁ ଶ୍ରଦ୍ଧାଞ୍ଜଳି ଦେଲେ ସରକାରୀ ସ୍ୱୟଂଶାସିତ ମହାବିଦ୍ୟାଳୟର ଛାତ୍ର
ରାଉରକେଲା:୨୦୧୯ ମସିହା ଫେବ୍ରୁଆରୀ ୧୪ ତାରିଖ ଦିନ ଜାମ୍ମୁ ଓ କାଶ୍ମୀରର ପୁଲୱାମାଠାରେ ଆତଙ୍କବାଦୀଙ୍କ ଆକ୍ରମଣରେ ୪୦ଜଣ ଭାରତୀୟ ଜବାନ ସହୀତ ହୋଇଥିଲେ। ଏହି ସହୀଦମାନଙ୍କ ସ୍ମୃତିରେ ପାନପୋଷ ସ୍ଥିତ ସରକାରୀ ସ୍ୱୟଂଶାସିତ ମହାବିଦ୍ୟାଳୟର ଛାତ୍ରମାନେ 
ମହମବତୀ ଜଳାଇ ଶ୍ରଦ୍ଧାଞ୍ଜଳି ଜଣାଇଛନ୍ତି। ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ଡ ବିଜୟ କୁମାର ବେହେରାଙ୍କ ନେତୃତ୍ୱରେ ହୋଇଥିବା ଏହି କାର୍ଯ୍ୟକ୍ରମରେ ଅଧ୍ୟାପକ ଅଜୟ ବେହେରା, ପ୍ରଦୀପ ଖେସ୍, ସୁବ୍ରତ ନାୟକ, ସୁଭ୍ରାଂଶୁ ଦେହୁରୀଙ୍କ ସମେତ ଛାତ୍ର ବିଶ୍ୱଜିତ ପଲାଇ ପ୍ରମୁଖ ଉପସ୍ଥିତ ଥିଲେ। ଏହି ଅବସରରେ ଉପସ୍ଥିତ ସମସ୍ତ ଛାତ୍ର ଓ ଅଧ୍ୟାପକମାନେ ସହୀଦମାନଙ୍କ ସ୍ମୃତିଚାରଣ କରିବା ସହ 
ସେମାନଙ୍କୁ ଶ୍ରଦ୍ଧାଞ୍ଜଳି ଦେଇଥିଲେ। ଯବାନଙ୍କ ଉଦ୍ଦେଶ୍ୟରେ “ସହୀଦ ଯବାନ ଅମର ରହେ” ସ୍ଲୋଗାନ ଦିଆଯିବା ସହ ମହାବିଦ୍ୟାଳୟର ମୁଖ୍ୟ ପ୍ରବେଶ ପଥ ନିକଟରେ ସହୀଦମାନଙ୍କ ଉଦ୍ଦେଶ୍ୟରେ ମାନବ ଶୃଙ୍ଖଳ କରିଥିଲେ। ଏହା ସହିତ ଛାତ୍ରମାନେ ଘଟଣା ସମ୍ପର୍କରେ ମୁଖ୍ୟରାସ୍ତାରେ ଯାଉଥିବା ପଥଚାରୀଙ୍କ ଦୃଷ୍ଟି ଆକର୍ଷଣ କରିବା ସହ ସଚେତନତା ବାର୍ତ୍ତା ଦେଇଥିଲେ। ଏହି କାର୍ଯ୍ୟକ୍ରମରେ ମହାବିଦ୍ୟାଳୟର ଛାତ୍ରାବାସର ଅନ୍ତେବାସୀମାନଙ୍କ ସମେତ ଛାତ୍ରାବାସର ଭାରପ୍ରାପ୍ତ ଅଧିକାରୀମାନେ ଯୋଗଦେଇଥିଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
