ଅଦିନିଆ ବର୍ଷା ଯୋଗୁଁ ମୁଗ ଚାଷୀ କ୍ଷତିଗ୍ରସ୍ତ
ମ.ରାମପୁର,୨୬/୨(ମସୀହା): ଚାଷୀଙ୍କ ଦୁଃଖ ର ଅନ୍ତ ନାହିଁ l କେତେ ବେଳେ ମରୁଡି ତ ଆଉ କେତେ ବେଳେ ରୋଗ ପୋକ ଯୋଗୁଁ ତା ଫସଲ ନଷ୍ଟ ହେଉଛି l ଫସଲ ଘରକୁ ନପହଞ୍ଚିବା ପର୍ଯ୍ୟନ୍ତ ଚାଷୀ ଶାନ୍ତିରେ ଶୋଇ ପାରେନାହିଁ l ଏବେ ମୁଗ ଫସଲ ଅମଳ ଚାଲିଥିଲା l ଚାଷୀ ମୁଗ ଗଛ ଉପାଡି ବିଲରେ ସୁଖାଇ ରଖିଥିଲେ l ଶୁଖିଲା ପରେ ଘରକୁ ଆଣି ବିକ୍ରି କରି ଦୁଇ ପଇସା ପାଇଥାନ୍ତା l ହେଲେ ଅଦିନିଆ ବର୍ଷା ଯୋଗୁଁ ଅଞ୍ଚଳ ର ଅନେକ ଚାଷୀଙ୍କ ମୁଗ ଫସଲ ନଷ୍ଟ ହୋଇ ଯାଇଛି l ପାଣି ରେ ଭିଜି ମୁଗ ଗୁଡିକରେ ଗଜା ବାହାରି ପଡ଼ିଛି l ଫଳରେ ମୁଗ ଚାଷୀ ଚିନ୍ତାରେ ପଡ଼ି ଯାଇଛନ୍ତି l ଏଥିପ୍ରତି ପ୍ରଶାସନ ବିହିତ ଦୃଷ୍ଟି ଦେଇ ମୁଗ ଚାଷୀଙ୍କୁ କ୍ଷତି ପୁରାଣ ଦେବା ପାଇଁ ଚାଷୀ ଦେବାର୍ଚ୍ଚନ ମହାଖୁଡ, ବିନୋଦ ମହାଖୁଡ, ପ୍ରଶାନ୍ତ ସାମନ୍ତରା, ରାମେଶ୍ବର ତ୍ରିପାଠୀ ପ୍ରମୁଖ ଦାବି ଜଣାଇଛନ୍ତି l
ମ.ରାମପୁର ରୁ ପରମାନନ୍ଦ ବିଶିଙ୍କ ରିପୋର୍ଟ
