ଭିଜିଲାନ୍ସ ଜାଲରେ ଡାବୁଗାଁ ଥାନା ପୋଲିସ ଏଏସଆଇ
ଡାବୁଗାଁ, ୨/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଏଏସଆଇ ସିମାଞ୍ଚଳ ମହାରଣା ଲାଞ୍ଚ ନେଉଥିବା ବେଳେ ଶନିବାର ଭିଜିଲାନ୍ସ ଟିମ ଗିରଫ କରିଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଧିନ ରାଉଲିଗୁଡା ଗ୍ରାମର ମକରନ୍ଦ ଜାନୀ ୮. ୨. ୨୪ ଦିନ ରାତ୍ରି ପ୍ରାୟ ୭ ଘ. ସମୟରେ ଘରୁ ବାହାରି ରାସ୍ତାରେ ଚାଲିଚାଲି ନାଟ ଦେଖିବାକୁ ଯାଉଥିଲେ | ସେହି ସମୟରେ ସେହି ଗ୍ରାମର 
ପଦୁସିଂ ଜାନୀ ମୋଟରସାଇକେଲ ନଂ ଓଡି ୨୪ ଡି ୭୧୩୫ ଯୋଗେ ଆସି ପଛପଟୁ ଧକ୍କା ଦେଇଥିଲା | ପ୍ରତିବାଦ କରିବାରୁ ପଦୁସିଂ ଅସଭ୍ୟ ଭାଷାରେ ଗାଳିଗୁଲଜ କରି ଜୀବନରେ ମାରିଦେବାକୁ ଧମକ ଦେଇ ଏକ ଲୁହ ରଡ ଆଣି ମକରନ୍ଦ ଙ୍କ ମୁଣ୍ଡରେ ମାଡ ରାଇବାରୁ ମୁଣ୍ଡ ଫାଟି 
ଯାଇଥିଲା | ସେହି ସମୟରେ ମକରନ୍ଦଙ୍କ ଭାଇ ଓ ଭାଉଜ ଦେଖି ପଦୁ ସିଂ କୁ ଅଟକାଇବାରୁ ତାଙ୍କୁ ମଧ୍ୟ ଗାଳିଗୁଲଜ କରି ମାଡ କରିଥିଲା | ଏନେଇ ମକରନ୍ଦ ୯.୨.୨୪ ଦିନ ପଦୁସିଂ ଜାନୀ ଙ୍କ ନାମରେ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା କେସ ନଂ ୩୩ /୨୪ରେ ଏକ ମାମଲା ରୁଜୁ କରାଯାଇଥିଲା | ପରେ 
ପଦୁସିଂ ଜାନୀ ମଧ୍ୟ ମକରନ୍ଦ ଙ୍କ ନାମରେ ପାଲଟା ଅଭିଯୋଗ କରିଥିଲେ | ୮/୨/୨୪ ଦିନ ରାତ୍ରି ପ୍ରାୟ ୭ ଘ. ସମୟରେ ମୋଟାରସାଇକେଲ ଯୋଗେ ଘରକୁ ଆସୁଥିବା ବେଳେ ଗ୍ରାମର ମକରନ୍ଦ ଜାନୀ ପୂର୍ବ ଶତ୍ରୁତା ରଖି ଏକ ଲୁହା ରଡ ଧରି ଆକ୍ରମଣ କରି ମାଡ ମାରିଥିଲା | ଏନେଇ ପଦୁସିଂ ଜାନୀ ମକରନ୍ଦ ଜାନୀ ଓ ତାଙ୍କ ସ୍ତ୍ରୀ ଫନି ଜାନୀ ଙ୍କ ନାମରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା କେସ ନଂ ୩୪/୨୪ ରେ ଏକ ମାମଲା ରୁଜୁ କରଯାଇଥିଲା | ଉକ୍ତ ୨ ଟି ମାମଲା କୁ ଏଏସଆଇ ସିମାଞ୍ଚଳ ମହାରଣା ତଦନ୍ତ କରୁଥିଲେ | ଏହି ମାମଲାରୁ ମକରନ୍ଦ ଙ୍କ ସ୍ତ୍ରୀ ଙ୍କ ନାମ କାଟି ଦେବା ପାଇଁ ୫୦୦୦ ଟଙ୍କା ଲାଞ୍ଚ ମାଗିଥିଲେ | ଏନେଇ ମକରନ୍ଦ ଦୁର୍ନୀତି ନିବାରଣ ବିଭାଗ ଙ୍କ ନିକଟରେ ଅଭିଯୋଗ କରିଥିଲେ | ଦୁର୍ନୀତି ନିବାରଣ ବିଭାଗ ତାଙ୍କ ଅଭିଯୋଗ ଗ୍ରହଣ କରିଥିଲେ | ଶନିବାର ମଧ୍ୟାନ୍ନ ୧୨. ୧୫ ସମୟରେ ମକରନ୍ଦ ଏଏସଆଇ ଙ୍କୁ ୫ ହଜାର ଟଙ୍କା ଦେଇଥିଲେ | ଏହାପରେ ଭିଇଲାନ୍ସ ଟିମ ଏଏସଆଇ ସିମାଞ୍ଚଳ ମହାରଣା ଙ୍କୁ ରିବା ପାଇଁ ପହଞ୍ଚିଥିଲେ | ଭିଜିଲାନ୍ସ ଅଧିକାରୀ ମାନଙ୍କୁ ଦେଖି ଏଏସଆଇ ଜଣଙ୍କ ଲାଞ୍ଚ ନେଇଥିବା ଟଙ୍କା କୁ ଥାନାର ମାଲଖାନା ଭିତରକୁ ଫୋପାଡି ଦେଇଥିଲେ | ପରେ ଭିଜିଲାନ୍ସ ଅଧିକାରୀ ମାନେ ଏଏସଆଇ ଙ୍କୁ ମାଡିବସିଥିଲେ ଓ ମାଲଖାନା ମଧ୍ୟରୁ ଟଙ୍କା ଜବତ କରିଥିଲେ | ଏଥିରେ ମାଲକାନଗିରି ଭିଜିଲାନ୍ସ ଡିଏସପି ସଦାନନ୍ଦ ପାଣି ଙ୍କ ନେତୃତ୍ଵରେ ନବରଙ୍ଗପୁର ଭିଜିଲାନ୍ସ ଡିଏସପି ଜୟଶ୍ରୀ ପ୍ରଧାନ, ଜୟପୁର ଭିଜିଲାନ୍ସ ଇନିସ୍ପେକ୍ଟର ସରିତା ତ୍ରିପାଠୀ ଓ ସଞ୍ଜୟ ପ୍ରଧାନ, ନବରଙ୍ଗପୁର ଭିଜିଲାନ୍ସ ଇନିସ୍ପେକ୍ଟର ଭୀମସେନ ପୂଜାରୀ ଓ ମାଲକାନଗିରି, ଜୟପୁର ଓ ନବରଙ୍ଗପୁର ଭିଜିଲାନ୍ସ ଟିମ ଚଢାଉରେ ସାମିଲଥିଲେ | ଏନେଇ କୋରାପୁଟ ଭିଜିଲାନ୍ସ ଥାନା କେସ ନଂ ୬/୧.୩.୨୪ରେ ଏକ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
