କନ୍ଧସର୍ଗିଗୁଡା ଗାଁର ମୃତଦେହ ଠାବ ଘଟଣା, ରଣପୁର ଗାଁ କୁ ପହଞ୍ଚିଲା ବହୁଜନ ସଂଗ୍ରାମ ସମିତିର ଫ୍ୟାକ୍ଟ ଫାଇଣ୍ଡିଙ୍ଗ ଟିମ
ଜୁନାଗଡ଼,୧୪/୩(ମ ନି ସ) କଳାହାଣ୍ଡି ଜିଲ୍ଲା ଜୁନାଗଡ଼ ଥାନା ରଣପୁର ଗାଁ କୁ ଗୁରୁବାର ସକାଳରେ ବହୁଜନ ସଂଗ୍ରାମ ସମିତିର ଏକ ପ୍ରତିନିଧି ଦଳ ଫ୍ୟାକ୍ଟ ଫାଇଣ୍ଡିଙ୍ଗ ଟିମ ଭାବରେ ପହଞ୍ଚିଛନ୍ତି। ସୂଚନା ମତେ ଜୁନାଗଡ଼ ଥାନା ରଣପୁର ଗାଁ ର ସୁରେଶ ବିହାର ମଙ୍ଗଳବାର କନ୍ଧସର୍ଗିଗୁଡା ଗାଁର ନିଜ ସମ୍ପକିୟ ଘରକୁ ବିବାହ କାର୍ଯ୍ୟକ୍ରମ ରେ ଯାଇଥିଲେ କିନ୍ତୁ ଘରକୁ ଫେରିନଥିଲେ ରାତ୍ରି ୧୦ ଟା ସମୟରେ ସ୍ଥାନୀୟ ଲୋକେ ମୃତ ଶରୀର ଦେଖି ପରିବାର ବର୍ଗ ଓ ପୋଲିସ କୁ ସୂଚନା ଦେଇଥିଲେ। ବୁଧବାର ସନ୍ଧ୍ୟା ୬ ଟା ରେ ହତ୍ୟା ଅଭିଯୋଗ ଆଣି ଦୋଷୀ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଦାବିରେ ଷ୍ଟ୍ରେଚର ରେ ଶବ ନେଇ ଜୁନାଗଡ଼ ଥାନା ସମ୍ମୁଖରେ ଶବ ରଖି ଧାରଣା ଦେଇଥିଲେ। ଏହି ପରିପ୍ରେକ୍ଷୀରେ ରେ କଳାହାଣ୍ଡି ର ଅଗ୍ରଣୀସାମାଜିକ ସଂଗଠନ ବହୁଜନ ସଂଗ୍ରାମ ସମିତି ସଭାପତି ରଞ୍ଜନ କୁମାର ଜାଲ ଙ୍କ ନେତୃତ୍ୱରେ ସଙ୍ଘ ର ରତନ ଧଙ୍ଗଡାମାଝୀ, ଚିତ୍ତ ରଞ୍ଜନ ନିଆଲ, ଉଗ୍ରେ କନ୍ଦପାନ ସମେତ ଏକ ପ୍ରତିନିଧି ଦଳ ରଣପୁର ଗାଁ କୁ ଯାଇ ଘଟଣା ର ସତ୍ୟାସତ୍ୟ ବୁଝିବା ସହିତ ଦୋଷୀ ବିରୁଦ୍ଧରେ ରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜୁନାଗଡ଼ ପୋଲିସ କୁ ଚେତାବନୀ ଦେଇଛନ୍ତି।