ପାଟପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରୁ ଚୋରି
ବସ୍ତା,06/04 :ବସ୍ତା ଥାନା ଅମର୍ଦାରୋଡ ପୋଲିସ ଫାଣ୍ଡି ଅଧିନସ୍ଥ ପାଟପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରୁ ଚୋରି ଶନିବାର ସକାଳ ସମୟରେ ଅମର୍ଦାରୋଡ ପୋଲିସ ଫାଣ୍ଡିରେ ଲିଖିତ ଅଭିଯୋଗ ହୋଇଥିବା ଦେଖିବାକୁ ମିଳିଛି l ସୂଚନା ଅନୁଯାୟୀ ଗତକାଲି ମଧ୍ୟାହ୍ନ ସମୟରେ ବିଦ୍ୟାଳୟ ବନ୍ଦ କରି ଶିକ୍ଷକମାନେ ଘରକୁ ଯାଇଥିବା ବେଳେ ଆଜି ସକାଳ ସମୟରେ ଛାତ୍ରଛାତ୍ରୀ ଓ ଶିକ୍ଷକ ମାନେ ବିଦ୍ୟାଳୟ ର 4 ଟି ରୁମରେ ତାଲା ଭଂଗାଯାଇଥିବାର ଦେଖି ଚୋରି ଜାଣିବାକୁ ପାଇଥିଲେ l ତେବେ ଏହି ବିଦ୍ୟାଳୟ ର ଦୁଇଟି ବହୁମୂଲ୍ୟ ପାନାସନିକ ଏଲସିଡି ଚୋରି ହୋଇଥିବା ନେଇ ବିଦ୍ୟାଳୟର ପ୍ରଧାନ ଶିକ୍ଷକ ନାରାୟଣ କିସ୍କୁ ଅମର୍ଦାରୋଡ଼ ପୋଲିସ ଫାଣ୍ଡିରେ ଲିଖିତ ଅଭିଯୋଗ କରିବା ପରେ ପୋଲିସ ତଦନ୍ତ କରିଥିବା ଜଣାଯାଇଛି l ତେବେ ଏହାର ନକଲ ବସ୍ତା ଗୋଷ୍ଠୀ ଶିକ୍ଷା ଅଧିକାରୀଙ୍କ ନିକଟକୁ ପଠାଯାଇଛି ବୋଲି ସୂଚନା ମିଳିଛି l