ବିଧାୟକ ଓ ସାଂସଦ ପାର୍ଥୀଙ୍କୁ ସମ୍ବର୍ଦ୍ଧନା
ଡାବୁଗାଁ, ୭/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସଦରମହକୁମାସ୍ଥିତ ଡାବୁଗାଁ –ମେଦନା ରାସ୍ତା ରେ ଥିବା ଜଙ୍ଗଲ ମଧ୍ୟରେ ଡାବୁଗାଁ ବ୍ଲକ କଂଗ୍ରେସ ତରଫରୁ 
ବିଧାୟକ ଓ ସାଂସଦ ପାର୍ଥୀ ଙ୍କୁ ଏକ ସମ୍ବର୍ଦ୍ଧନା ସଭା ଡାବୁଗାଁ ବ୍ଲକ କଂଗ୍ରେସ ସଭାପତି ଜି. ସାଇ ରଜୁ ଙ୍କ ସଭାପତିତ୍ଵରେ ରବିବାର ଅନୁଷ୍ଠିତ ହୋଇଯାଇଛି | ସାଧାରଣ ନିର୍ବାଚନ -୨୦୨୪ ପାଇଁ ଘୋଷଣା ହେବା ପରେ 
କଂଗ୍ରେସ ଦଳ ପାର୍ଥୀ ଘୋଷଣା ହୋଇଛି | ଏଥିରେ ଦଳ ର ନବରଙ୍ଗପୁର ଲୋକସଭା ଆସନ ନିମନ୍ତେ ସାଂସଦ ପାର୍ଥୀ ଭାବେ ଭୁଜବଳ ମାଝି ଓ ଡାବୁଗାଁ ବିଧାନସଭା ଆସନ ପାଇଁ ବିଧାୟକ ପାର୍ଥୀ ଭାବେ ଭୁଜବଳ ଙ୍କ ଝିଅ ଡା. ଲିପିକା ମାଝି ଙ୍କ ନାମ କଂଗ୍ରେସ ଘୋଷଣା କରିଛି | ଏନେଇ ଉକ୍ତ ୨ 
ପାର୍ଥୀଙ୍କୁ ଡାବୁଗାଁ ବ୍ଲକ କଂଗ୍ରେସ ତରଫରୁ ଆଜି ଏକ ସମ୍ବର୍ଦ୍ଧନା ସଭା କରି ୨ ଜଣଙ୍କୁ ବ୍ଲକ କଂଗ୍ରେସ କର୍ମୀ ମାନେ ଉତ୍ସାହର ସହ ସ୍ଵାଗତ କରିବା ସହ ସମ୍ବର୍ଦ୍ଧନା ଦେଇଛନ୍ତି | ଏହି ସଭାରେ କଳାହାଣ୍ଡି ଲୋକସଭା କଂଗ୍ରେସ ପର୍ଯ୍ୟବେକ୍ଷକ ଦ୍ଵାରିକା ମହାପାତ୍ର, ପାପଡାହାଣ୍ଡି ବ୍ଲକ କଂଗ୍ରେସ ସଭାପତି ଶ୍ରୀକାନ୍ତ ମିଶ୍ର, କୋଷାଗୁମୁଡାର ବାବୁଲି ବାଗ, ଜୋନ-୧ ସଭାପତି ପ୍ରକାଶ ଚନ୍ଦ୍ର ପଣ୍ଡା, ଜୋନ-୨ ସଭାପତି ବଂଶୀଧର ମାଝି, ବ୍ଲକ ଉପସଭାପତି ଧର୍ମାନନ୍ଦ ନାୟକ ଓ କୃଶ ପନକା, ଉପଦେଷ୍ଟା ବାବି ଜେନା, ବିଭିନ୍ନ ପଞ୍ଚାୟତର ସରପଞ୍ଚ, ସମିତି ସଭ୍ୟାସଭ୍ୟ ଓ ବହୁ କଂଗ୍ରେସ କର୍ମୀ ମାନେ ଉପସ୍ଥିତ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
