ସ୍ବାସ୍ଥ୍ୟ ହିଁ ବଡ ସମ୍ପଦ
କବି ସୌରଭ
ବୈଜୟନ୍ତୀ ମାଳା ମହାପାତ୍ର
ଶରୀର ଓ ମନ କୁ ସୁସ୍ଥ ରଖିବା
ଦୂରେଇ ଯିବ ବିପଦ,
ସବୁ ଧନ ଠାରୁ ବଡ଼ ଧନ ସେହି
ସ୍ୱାସ୍ଥ୍ୟ ହିଁ ବଡ ସମ୍ପଦ ll୦ll
ସମୟାନୁସାରେ ଖାଦ୍ୟକୁ ଖାଇବା
ଶୋଇବା ସମୟେ ଆମେ
ସ୍ଥିରତା ରଖିବା ନିଜ ଭାବନାରେ
ରଖିବା ତାକୁ ବିଶ୍ରାମେ
ସତେଜ ରହିଲେ ହୃଦ,
ରୋଗ ଡରି ପାଶ ମାଡ଼ିବନି କେବେ
ଦୂରେ ରହିବ ବିଷାଦ ll୦ll
ଅଧା ପେଟ ଖାଇ ଖାଦ୍ୟକୁ ଆମର
ଶତକଡା ଯେ ପଚିଶି
ପାଣି ପବନକୁ ଜାଗା ଦେବା ଦେହେ
ଅନ୍ତରରେ ଧରି ଖୁସି
ଦୂରେଇବ ଯେ ପ୍ରମାଦ,
କାର୍ଯ୍ୟକ୍ଷମ ହେବ ଶରୀର ଆମର
ପାଲଟି ଯିବ ସୁହୃଦ…..(୨)
ସାତ୍ତ୍ୱିକ ଆହାର ସୁନ୍ଦର ବିଚାର
ମନରେ ଭରଇ ସିନା
ସୁଷମ ଖାଦ୍ୟକୁ ବାଛି ଖାଉଥିବା
ସୁସ୍ୱାଦୁ ଖୋଜିବା ମନା
ମନେ ଭରିଣ ଆନନ୍ଦ,
ଯୋଗ ବ୍ୟାୟାମରେ ନିରୋଗ ରହିବା
ଧରା ଲାଗିବ ସୁଖଦ…..(୩)
ଫୁଲବାଣୀ, କନ୍ଧମାଳ
