ଧର୍ମଗଡ:୭/୪/୨୨: ଧର୍ମଗଡ ଏନଏସି ର ଉପାଧ୍ୟକ୍ଷ୍ୟା ଭାବେ ଶ୍ରୀମତୀ ମନୀଷା ମିଶ୍ର ନିର୍ବାଚିତ ହୋଇଛନ୍ତି । ସେ ଭାଜପା ପ୍ରାର୍ଥୀ ଙ୍କୁ ୯-୫ ଖଣ୍ଡ ଭୋଟ ରେ ପରାସ୍ତ କରି ବିଜୟୀ ହୋଇ ଥିଲେ । ଆଜି ଉପାଧ୍ୟକ୍ଷା ପଦବୀ ପାଇଁ ଧର୍ମଗଡ ଏନଏସି କାର୍ଯ୍ୟାଳୟ ଠାରେ ଏଥି ପାଇଁ ନିର୍ବାଚନ ଅନୁଷ୍ଠିତ ହୋଇ ଥିଲା । ନିର୍ବାଚନ ଅଧିକାରୀ ଭାବେ ଧର୍ମଗଡ ତହସିଲଦାର ହରେକୃଷ୍ଣ ବରିହା ନିର୍ବାଚନ ପରିଚାଲନା କରିଥିଲେ । ବିଜେଡି ଦଳ ପକ୍ଷରୁ ଏଜେଣ୍ଟ ଭାବେ ଜିଲ୍ଲାପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂଦେଓ ଯୋଗ ଦେଇଥିଲେ । ଏନେସି ଅଧ୍ୟକ୍ଷ ଅଶୋକ ମହାନ୍ତି ଉପସ୍ଥିତ ଥିଲେ ।
୧୪ ଟି ୱାର୍ଡ କୁ ନେଇ ଗଠିତ ଏନଏସି ରେ ବିଜେଡି ର ୯ଜଣ କାଉନସିଲର ବିଜୟୀ ହୋଈଥିବା ବେଳେ ଭାଜପା ର ୫ ଜଣ କାଉନସିଲର ବିଜୟୀ ହୋଇଛନ୍ତି । ଉପାଧକ୍ଷା ପଦ ପାଇଁ ବିଜେଡି ପାଖ ରେ ଆବଶ୍ୟକ ସଂଖ୍ୟା ଗରିଷ୍ଠତା ରହିଛି । ବିଜେଡି ପକ୍ଷରୁ ୱାର୍ଡ଼ନଂ-୪ ର କାଉନସିଲର ଶ୍ରୀମତୀ ମନୀଷା ମିଶ୍ର ପ୍ରାର୍ଥୀ ପତ୍ର ଦାଖଲ କରିଥିଲେ । କିନ୍ତୁ ଭାଜପା ର ୱାର୍ଡ଼ ନଂ-୧୨ ର କାଉନସିଲର ରତ୍ନା ପାତ୍ର ପ୍ରାର୍ଥୀ ପତ୍ର ଦାଖଲ କରିବା ଯୋଗୁ ଭୋଟିଂ କରାଯାଇଥିଲା । ବିଜେଡି ପ୍ରାର୍ଥୀ ମନିଷା ମିଶ୍ର ଙ୍କୁ ୯ ଖଣ୍ଡ ଭୋଟ ମିଳିଥିବା ବେଳେ ଭାଜପା ପ୍ରାର୍ଥୀ ରତ୍ନା ପାତ୍ର ଙ୍କୁ ୫ ଖଣ୍ଡ ଭୋଟ ମିଳିଥିଲା । ଓପନ ଭୋଟିଂ ପାଈ ରାଜ୍ୟ ନିର୍ବାଚନ ଆୟୋଗ ଘୋଷଣା କରିଥିବାରୁ ଦଳୀୟ କାଉନସିଲର କ୍ରସ ଭୋଟିଂ କରିବା ସମ୍ଭାବନା ନଥିଲା । ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ।
