ମହାଆଡମ୍ବରରେ ଶ୍ରୀରାମ ନବମୀ ପାଳିତ
ବାଲେଶ୍ଵର,୧୭/୪/୨୪- ପ୍ରତି ବର୍ଷ ପରି ଏ ବର୍ଷ ମଧ୍ୟ ବାଲେଶ୍ଵର ଜିଲ୍ଲା ଖଇରା ବ୍ଲକ ସୁଣ୍ଢିରାଗଣ୍ଡିବେଡ ଠାରେ ଥିବା ହନୁମାନ ମନ୍ଦିରରେ ୧୭ତମ ଶ୍ରୀରାମ ନବମୀ ମହାଆଡମ୍ବର ସହକାରେ ପାଳିତ ହୋଇଯାଇଛି । ବ୍ରତଧାରୀ ମାନଙ୍କ ଦ୍ବାରା ପାର୍ଶ୍ଵସ୍ଥ ପୋଖରୀରୁ କଳସ ଅଣା ଯାଇଥିଲା । ପୂଜକ ଜଗନ୍ନାଥ ପଣ୍ଡା ଓ ଉମାକାନ୍ତ ପଣ୍ଡାଙ୍କ ଦ୍ବାରା ରାମସୀତା, ହନୁମାନ, ଶିବ ପାର୍ବତୀ ସହିତ ପାର୍ଶ୍ଵ ଦେବାଦେବୀଙ୍କ ପୂଜା କାର୍ଯ୍ୟ ମଧ୍ୟ ହୋଇଥିଲା । ଏଥିରେ ନିରଞ୍ଜନ ବେହେରା, ଶଙ୍କର୍ଷଣ ରାୟ, ଶିଶିର କୁମାର ନାୟକ, ବାସନ୍ତୀ ଲତା ମହାପାତ୍ର, ପର୍ଶୁରାମ ବେହେରା, ରତ୍ନାକର ବେହେରା, କୃପାସିନ୍ଧୁ ଖଟୁଆ, ଜ୍ଯୋତି ରଞ୍ଜନ ବେହେରା, ହରିଶ୍ଚନ୍ଦ୍ର ପରିଡା ଓ ମହେନ୍ଦ୍ର ଶିଅଳ ପ୍ରମୁଖ ସହଯୋଗ କରିଥିଲେ । ସେହିପରି ଖଇରା ଦୁର୍ଗା ମଣ୍ଡପ ଠାରେ ଥିବା ହନୁମାନ ମନ୍ଦିରରେ ପୂଜାର୍ଚ୍ଚନା ପରେ ରାମଭକ୍ତଙ୍କ ଦ୍ବାରା ଜୟ ଶ୍ରୀରାମ ଜୟ ଶ୍ରୀରାମ ସ୍ଲୋଗାନରେ ବାଇକ୍ ରାଲି ବଜାର ପରିକ୍ରମା ହୋଇଥିଲା । ପରେ ପରେ ପ୍ରସାଦ ସେବନରେ ସମସ୍ତେ ଖୁସି ହୋଇଥିଲେ । ଏଥି ସହିତ ଜିଲ୍ଲାର ବିଭିନ୍ନ ସ୍ଥାନରେ ମଧ୍ୟ ଶାନ୍ତିଶୃଙ୍ଖଳାର ସହିତ ଶ୍ରୀରାମ ନବମୀ ପାଳିତ ହୋଇଥିବାର ରିପୋର୍ଟ ସଂଗ୍ରହରୁ ଜଣାପଡିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
