ବୁଥ ପରିଚାଳନା ନେଇ ବୈଠକ
ଡାବୁଗାଁ, ୮/୫ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷଠାରେ ବୁଥ ପରିଚାଳନା ନେଇ ଏକ ବୈଠକ ବୁଧବାର ଅପରାହ୍ନରେ ଅନୁଷ୍ଠିତ ହୋଇଯାଇଛି | ଏଥିରେ ଆଗାମୀ ୧୩ ତାରିଖ ଦିନ ମତଦାନ ଥିବାରୁ ବ୍ଲକ ର ପ୍ରତ୍ୟେକ ବୁଥ ପରିଚାଳନା ଉପରେ ବୁଥ ସ୍ତରୀୟ ଅଧିକାରୀ ଓ ସ୍ଵଚ୍ଛାସେବୀ ମାନଙ୍କୁ ବୁଝା ଯାଇଥିଲା | ଏଥିରେ ପ୍ରତି ବୁଥରେ ବିଦ୍ୟୁତ ବ୍ୟବସ୍ଥା, ଧାଡି ବାନ୍ଧିବା, ବରିଷ୍ଠ ନାଗରିକ, ଭିନ୍ନକ୍ଷମ ଓ ଗର୍ଭବତୀ ମହିଳା ମାନଙ୍କ ପାଇଁ ସ୍ଵତନ୍ତ୍ର ବ୍ୟବସ୍ଥା ଏବଂ ହ୍ୟୁଇଲ ଚେୟାର ବ୍ୟବସ୍ଥା କରାଯିବା, ପ୍ରତି ବୁଥରେ ଥଣ୍ଡା ପାନୀୟ ଜଳ ବ୍ୟବସ୍ଥା କରାଯିବା ସହ ମତଦାନ ଦିନ ସ୍ଵଚ୍ଛାସେବୀ ମାନଙ୍କ କାର୍ଯ୍ୟ ଉପରେ ବୁଝାଇଥିଲେ | ଏଥିରେ ବିଡିଓ ଶରତ ମାଝି ସମସ୍ତ ବୁଥ ସ୍ତରୀୟ ଅଧିକାରୀ ଓ ସ୍ଵଚ୍ଛାସେବୀ ବୁଝାଇଥିଲେ | ଏହି କାର୍ଯ୍ୟକ୍ରମରେ ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା ଓ ପଞ୍ଚାୟତ ନିର୍ବାହୀ ଅଧିକାରୀ ଏ.ଡି ପ୍ରସାଦ ସହଯୋଗ କରିଥିଲେ | ଏହି ବୈଠକରେ ୫୫ ଜଣ ବୁଥ ସ୍ତରୀୟ ଅଧିକାରୀ, ସମସ୍ତ ବିଏଲଓ ସୁପରଭାଇଜର ଓ ୧୧୦ ଜଣ ସ୍ଵଚ୍ଛାସେବୀ ମାନେ ଉପସ୍ଥିତ ଥିଲେ |