ମୌଳିକ ଅଧିକାରରୁ ବାରମ୍ବାର ବଞ୍ଚିତ,ପ୍ରଶାସନର ନିଦ ଭାଙ୍ଗୁନି
ନବରଙ୍ଗପୁର:(୯|୫)ଶେଷକୁ ଚରମ ନିଷ୍ପତ୍ତି ନେଲେ ସ୍ଥାନୀୟ ଜନତା,ଭୋଟ ବର୍ଜନ ପାଇଁ ନେଲେ ନିଷ୍ପତ୍ତି,ପାଣି ନାହିଁ ତ ଭୋଟ ନାହିଁ,ହଁ ଆଜ୍ଞା, ଆମେ ଦେଖାଉଛୁ ଡାବୁଗାଁ ନିର୍ବାଚନ ମଣ୍ଡଳୀ ପାପଡାହାଣ୍ଡି ବ୍ଲକ ଅନ୍ତର୍ଗତ ଜଟାବାଲ ଗ୍ରାମର ଗ୍ରାଉଣ୍ଡ ଜିରୋ ର ରିପୋର୍ଟ।ଗାଁ ରେ ପିଇବା ପାଣି ଏବେ ମୁଖ୍ୟ ସମସ୍ୟା ପାଲଟିଛି।ଦୀର୍ଘ ଦୁଇ ବର୍ଷହେଲା ଗାଁ ରେ ଏହି ସମସ୍ୟା ଲାଗି ରହିଥିବାବେଳେ ବିରୋଧ ବି କରାଯାଇଛି। ହେଲେ ସମସ୍ୟା ପ୍ରତି ଯେମିତି କାହାର ଗୁରୁତ୍ବ ନାହିଁ। ଖରାଦିନ ଆରମ୍ଭ ନ ହେଉଣୁ ଗାଁ ର ଲୋକମାନେ ପାଣି ମୁନ୍ଦାଏ ପାଇଁ ଦହଳ ବିକଳ ହେଉଛନ୍ତି। ନିର୍ବାଚନ ଆସିଲେ ମାଳମାଳ ନେତାଙ୍କ ମିଳିଥାଏ ଅନେକ ପ୍ରକାର ପ୍ରତିଶ୍ରୁତି। ହେଲେ ଗାଁ ଲୋକଙ୍କ ସମସ୍ତ ସମସ୍ୟା ଓ ପ୍ରତିଶ୍ରୁତି ଭୁଲିଯାଆନ୍ତି ସମସ୍ତେ। ଗାଁ ଲୋକଙ୍କୁ ସମ୍ପୁର୍ଣ୍ଣ ଅଣଦେଖା କରାଯାଉଥିବା ଅଭିଯୋଗ କରିଛନ୍ତି ଦିଆରି ସାହି, ପୂଜାରୀ ସାହି, ପଠା ନ ସାହି ଗ୍ରାମବାସୀ। ସମସ୍ୟାକୁ ନେଇ ବାରମ୍ବାର ସରପଞ୍ଚ ଠାରୁ ବିଭିନ୍ନ ଅଧିକାରୀଙ୍କୁ ଜଣାଯାଇଛି ହେଲେ ସେହି ସମସ୍ୟା ପ୍ରତି ଯେମିତି କାହାର ଗୁରୁତ୍ବ ନାହିଁ।